La red di tram de Varsavia a l'è la red di tram de la capital polacca Varsavia, longa 138 km per 27 lign.
Storia In del 1866 a l'è verta ona linia di tram a cavall, longa 6 km. In del 1882 la gestion l'è tolta di Belga, che slarghen i lign cont el sò capital.
In del 1903 a l'è approvada l'elettrificazion, finida in del 1908.
In tra i dò guerr mondiai i lign a hinn anmò slongaa, e l'è anca faa su el servizzi suburban Warszawska Kolej Dojazdowa.
In del 1925 a l'è approvaa on pian per fà la Metropolitana, ma l'è scassaa per la crisi. L'è insubida ancamò in del 1938, ma la guerra l'ha fermaa tuscoss.
I nazista han s'ceppaa squasi tucc i infrastruttur de la Polonia, che hinn staa poeu faa su de noeuv rapidament dopo. In di agn 1960, per ona decision politega per volzà la dependenza del petroli sovietich a l'è incentivada la creazion di lign de bus.
Dal 1989 l'ha ricevuu pocch incentiv, perchè s'eren impegnaa per desviluppà la metropolitana de Varsavia. A bon cunt dal 2005 la situazion a l'è cambiada, e gh'è staa di investiment per crompà di noeuv tram pussee comod e fà on sistema de informazion ai passegee.
A gh'è dò lign in costruzion.
Material rotabil I tram doperaa in sui tramvij de Varsavia a hinn: Konstal 105Na, faa su in tra el 1973 e 'l 2007, l'è el primm tram faa su in del blocch sovietich a vess CPP (273 + 30 prototip) Konstal 112N Konstal 116N/116Na Pesa 120N, ciappaa in del 2007 per renoeuvà i lign del center, a l'è a pianal integralment rebassaa. (15) Pesa 120 Na (186) Pesa Jazz (50) PESA 134N, tram linger per sostituì i tram pensant in sui lign men trafficaa (30)
In total a gh'è 584 vittur e 'l 63% a hinn a pianal rebassaa.
Lign Dal 2015, per la vertura de la segonda linia metro, on poi de cors a hinn staa tajaa via. In 'sta tabella se veden i cors regolar e la linia turistica.
Linia Principi Fin1AnnopolBanacha2Metro MłocinyTarchomin Kościelny3AnnopolGocławek4Żerań WschodniWyścigi6GocławekMetro Młociny7Kawęczyńska - BazylikaP+R Aleja Krakowska9GocławekP+R Aleja Krakowska10Osiedle GórczewskaWyścigi11 Metro MłocinyRondo Daszyńskiego13Kawęczyńska - BazylikaKoło14BanachaMetro Wilanowska15Marymont - PotokP+R Aleja Krakowska17 Tarchomin KościelnySłużewiec18Żerań FSOSłużewiec20BoernerowoŻerań FSO22WiatracznaPiaski23CzynszowaNowe Bemowo24GocławekNowe Bemowo25BanachaAnnopol26Osiedle GórczewskaWiatraczna27Metro MarymontCmentarz Wolski28KołoDworzec Wschodni (Kijowska)31SłużewiecMetro Wilanowska33KieleckaMetro Młociny35Nowe BemowoWyścigi41 WoroniczaŻerań WschodniTpl. Narutowiczapl. Narutowicza
Biliett A gh'è on unich biliett bon per tucc i straport de Varsavia che 'l se pò crompà sia in di macchinett sia in sul tram.
Galleria di foto
Varda anca Metropolitana de Varsavia Straport a Varsavia Red di tram de l'Alta Slesia Red di tram de Cracovia Red di tram de Stetin
Categoria:Straport a Varsavia