I arcade lombarde (frances: bandes lombardes) i è dei elements arqitetoneg carateristeg del Romaneg lombard.
Descrizion
I arcade lombarde i è formade de file de arcade orbe (2), qe i sporj un poo del mur, sostegnide de misole o lesene (1). D'ordinare i è dovrade su i façade esterne, de rar a l'intern. La fonzion de solet l'è adoma decorativa, anc se dei volte i è dovrade per cresser la rijideza de la strutura.
Storia I arcade lombarde, come al dix ol nom, i g'ha orijen in Lombardia, ind la zona dei lag: de Com, Major e Orta. I s'è spandide in tœt ol sud Europa, de probabel grazie al lavorar di maister comaxin: ind el XI secol, i è dovrade ind i ciexe de la Catalogna, de l'Aragona e de l'Ardèche. Ol plu antig esempe de arcade lombarde restait a'l dé d'incœ l'è la Basilega de San Vincenz in Prat, del 883, a Milan.
Anc ol Carl Magn l'ha ciamad i artijan lombards per lavorar ai palaz imperiai, in Renania.
L'uso dei arcade lombarde l'è continuad, dopo ol Romaneg, anc col Goteg.
Esempe
Riferiments Peter Hubert, The developments of Lombard bands Quell'idea di Lombardia nei secoli attraverso le attività degli artisti italiani e ticinesi
Olter projets
Categoria:Art lombarda medieval Categoria:Architetura