La Calabria l'è ona region italiana del Sud. La soa capitala l'è Catanzaro, ma el Consili el se troeuva a Reggio Calabria, città pussee granda de la region.
I lengov parlaa hinn el sicilian, el napoletan, el grecanich e l'albanes, oltra a l'italian. Però domà grecanich e albanes hinn recognossuu dal Stat comé minoranz lenguistegh.
Politega La Calabria la gh'ha on President, a capo de la Giunta, orghen cont el poder esecutiv e member del Consili Regional, l'assemblea legislativa de la Region, cont 30 member.
La Calabria a l'è dividuda in 5 provincc e 1 città metropolitana.
Incoeu el President a l'è l'Antonino Spirlì, fasent fonzion dopo de la mort de la Jole Santelli.
Lengov
La Calabria la gh'ha no 'na lengua unega, de facc i dialett parlaa al Nord de la region hinn di dialett de la lengua napoletana, inveci quej del Sud hinn dialett de la lengua siciliana. La division in tra i dò lengov la correspond incirca a la veggia division in tra Calabria Citeriore e Calabria Ulteriore.
Gh'è di isol lenguistegh in Calabria: Vuna de lengua greca, che la parla on dialett ciamaa grecanich, e vuna de lengua albanesa.