El cardinalin o gegèErasmo Buzzi, Catalogo ornitologico della provincia di Como e della Valsassina, 1870 (ciamaa anca fanell de la reginaLessico zoologico popolare della provincia di Cremona; nomm scientifegh: Carduelis flammea, Linnaeus, 1758) a l'è on usell passeriform de la fameja di Fringillidae. A l'è spantegaa in Europa (anca in Lombardia), Asia e America del Nord. Descrizzion El cardinalin el mesura de norma 13 cm de longhezza, e 'l pesa intorna ai vint gramm. La grandezza la varia segond la sotta-speci: la pussee granda l'è l'Acanthis flammea rostrata, la pussee penina la A. f. cabaret. I sò piumm hinn maronn e negher: in su la crapa el gh'ha ona smaggia rossa (sia per i mas'c che per i femen). I mas'c, a partì del segond ann de vita, a gh'hann 'na smaggia rossa anca in sul pecc. El becch l'è giald scur. Biologia I cardinalitt a viven in rosc faa de 'na desena de esemplar. Fann el sò nid in tra i conifer, e fann trii o ses oeuv a la voeulta: i poresitt a nassen dopo 13 dì. Sistematega Quell usell chì el gh'ha tre sotta-speci: Acanthis flammea flammea (Linnaeus, 1758): la viv in Alaska, Canada, Europa del nord e Siberia Acanthis flammea rostrata (Coues, 1861): la viv in Canada, Groenlandia e Islanda Acanthis flammea cabaret (Statius Müller, 1861): la viv in di Isol Britannegh, Danimarca, Belgi, Francia, Svizzera, Germania e in di alp italiann. Referiment
Categoria:Fringillidae