67P/Churyumov-Gerasimenko l'è 'na cometa scuprìda endel 1969 del astrònom ucraìno-soviètich Klim Churyumov, a stüdià le fóto che la gh'ìa scatàt la scensiàda ucraìna-soviètica Svetlana Gerasimenko.
Churyumov-Gerasimenko la g'ha 'na fùrma iregolàr come de du gnòch tacàcc ensèma. La g'ha 'n perìodo orbitàl de 6,45 agn. La fà part de la famìa de le cométe gioviàne . Endel més de óst del 2014 la sonda spasiàla Rosetta, de l'Agensia Spasiala Europea la l'ha ragiungìda e ai 10 de setèmber del 2014 l'è entràda endela sò òrbita. Ai 12 de noèmber del 2014 la g'ha sganciàt el lander Philae, che l'è ateràt sö la superfìce de la cometa. L'è stàda la prìma ólta che 'na sonda de l'òm la ateràa söndena cométa.
I dati rileàcc de la misiù Rosetta i g'ha pirmitìt de stemà la sò masa che la par véser entùren ai dés miliardi de tonelàde.
Riferimèncc
Categoria:Comete del Sistema Solar