El bróm l'è 'n elemènt chìmich enserìt endèla tàola periòdica dei elemèncc col sìmbol Br. El g'ha nömer atòmich 35, che völ dì che 'l nùcleo de 'n àtom de bróm el g'ha 35 prutù. El fà part de la categurìa dei alògen.
A temperadüra e presiù stàndard el bróm el se prezènta come 'n lìquit, gréf, de culùr 'ntra 'l rós scür e 'l maròn, conden udùr fòrte e catìf.
Come i óter alògen, l'è caraterizàt de 'na gran reatività chìmica, a 'n leèl a mès entra chèla del iodio e chèla del cloro. El se delégua facilmènt endel'àiva e 'ndèi solvèncc orgànich, ai quài el ghe dà 'n culùr aràncio tìpich. El reagés con tacc elemèncc e 'l g'ha 'n efèt sbiancadùr elevàt.
L'è stat scuprìt del Antoine Balard endèle làme salmàstre de Montpellier endel 1826, ma la prudusiù en quantità l'è stàda ambiàda là apéna 'ndèl 1860.
En natüra se 'l tróa sóta fùrma de du izòtopi : 79Br y 81Br, en quantitù piö o méno equivalènte: 79Br al 50,69% e 81Br al 49,31%.
Categoria:Element chimeghCategoria:Alògen