La scanscia, cognossuda anca 'me stampella, scrozzola (o scrosciola), corgnoeula, scarozzola, scarsola, ferlaNavigAIS, carta numer 193., l'è on arnes che 'l serviss a dàggh on sostegn ai personn che, per via d'on qualsessia acident, hinn minga bonn de caminà normalment. I scansc poeuden avèggh vari foeusg: i pussee cognossuu hinn quei che passen sotta l'avambrasc e quei che passen sotta i sell.
Timologia La parolla stampella la vegn de l'italian, e l'è de origin center-meridional, ma incoeu l'è usada anca a Milan. Se cred che la parolla stampella la vegna del verb stampà, in del sens de pestà la terra e lassà di improntgarzantilinguistica.it; per alter, la timologia l'è nò certatreccani.it. La parolla originaria milanesa e lombarda ocidental l'è scanscia o scansc (con variant), che 'l someja che 'l vegna del francon *skatja Angelo Biella, Virginia Favaro Lanzetti, Luciana Mondini e Gianfranco Scotti, Vocabolario italiano-lecchese e lecchese-italiano, Editore Cattaneo, 1991 o *skakkjaGabriele Antonioli, Remo Bracchi, Giacomo Rinaldi, Dizionario etimologico-etnografico grosino, IDEVV, 2012.. La parolla ferla l'è doperada in de la Provincia de Bressa e de Mantova, oltra che in Trentin, Emilia ocidental e Romagna (in Veneto gh'è anca la variant zerla). La deriva del latin ferŭla, che 'l voeur dì "baston"Manlio Cortellazzo, Carla Marcato, Dialetti italiani. Dizionario etimologico, Turin, UTET, 2008..
La parolla scrosciola e variant (spantegada in de la Bergamasca, in del Tesin, a Pavia, Lod e Cremona) l'è derivada de croscia (doperaa in del Tesin e in de l'Ossola). Quell termen chì el se liga al piemontes cròssa, al ligur scròsoa, al venet (s)cròzola, al ladin crocia, al forlan croçule, oltra che a l'ocitan cròssa e al catalan crossa. Tutt 'sti paroll el someja che sien ligaa anca l'italian gruccia (in Umbria croccia), che 'l vegn del germanegh *krukkjaVocabolario dei dialetti della Svizzera Italiana, vol. 83, pag. 168treccani.it o *krukjoetymonline.com e che l'è compagn de l'ingles crutch, l'olandes kruk, el todesch Krücke, el norveges krykke e 'l svedes krycka.
Referiment
Categoria:Arnes