Saxifraga tombeanensis l'è 'na spéce de piànta erbàcea perène che fà part de la famìa botànica de le Saxifragaceae.
Descrisiù L'è 'na piànta che crès en grant a belàze e che la fùrma dei cüsinècc emisférich bèi compàcc (ciamàcc: pülvì), larch enfìna a 20 ghèi, furmàcc dei gambì lignùs e bèi ramificàcc, lónch de 5 a 10 ghèi. Ensìma ai gambì se fùrma dele rüzitìne de fòie che se 'ncaàla le öne co le ótre e 'l töt l'è cuarciàt zó de pelacì spès sùra la 'nfiurescènsa. I fiùr i è biànch, de sòlet a grüpècc de 2 o 3, coi pétali spatolàcc. La fiuridura l'è 'ndèl més de màgio.
Habitat L'è 'na spéce tìpica de préde calcàree o dulumìtiche, 'ntréghe o conden quach sfrizidüre, sitüàde 'ntra i 1000 e i 2000 méter, quach stasiù i è segnalàde pò a piö 'n bas.
Distribüsiù thumb|left|Préde 'ndóche crès la Saxifraga tombeanensis L'è 'na piànta endémica de le Prealpi trentìne-bresàne-verunéze, 'ntra la Sìma de le Caldulìne ('ntra val Trómpia e Val Sàbia) e 'l mut Baldo (sö la spónda verunéza del Lach de Gàrda. En particolàr, divèrse stasiù i è cunusìde sö la cadéna de mucc che ciàpa dét el mut Tombea, el mut Caplù, la Bóca de Lorina e 'l mut Tremàls.
Colegamèncc estèrni Saxifraga.org La Sassifraga del monte Tombea video
Categoria:Saxifragaceae Categoria:Botànica