Porta Romana (istess in Italian) l'è vuna di ses port milanes pussee important. La se troeuva in sui Bastion a sud-est del centro, in su la strada che la mena a Lod, in tra Porta Tosa (nord-est) e Porta Vigentina (sud-ovest). Insemma a Porta Noeuva e Porta Garibaldi, l'è l'unega porta di Bastion a vess anmò in pee ma, al contrari di alter dò, la gh'ha anmò la forma che la gh'aveva in del '500. La ciappa el sò nomm de la veggia porta di temp di Roman, che la se trovava in su la strada che la vegniva su de Roma. Arent a la Porta el passava el Redefoss, el canal che 'l ciappava su i aqui de la Martesana e del Seves per portài dent al Lamber arent a Meregnan. Col sortì foeura de Porta Milan se incontren i quartier del Corvett e quell de Rogored.
Alter progett
Vos corelaa Port de Milan Bastion de Milan Redefoss Porta Romana (canzon)
Romana