Cherson (Херсон/Cherson in ucrain e in russ) l'è ona città de l'Ucraina cont ona popolazion de pussee de 300.000 personn. Geografia La città la se troeuva in del sud del paes, in de l'oblast' con l'istess nomm. L'è traversada del Niper, e l'è bagnada del Mar Negher, del qual a l'è on port important. Storia La zona, fina al 1774, l'era sotta el domini del Khanaa de Crimea. In del 1778, sotta el comand de Grigorij Aleksandrovič Potëmkin, Aleksandr Vasil'evič Suvorov e Abram Petrovič Gannibal, l'è stada fada sù la città de Cherson. El nomm el vegn giò de ona contrazion de Chersónēsos, on'antiga città greca de la Crimea (incoeu Sebastopel). Voeuna di primm costruzion de la noeuva città l'è stada la gesa de Santa Catarina (del nomm de l'imperadris de la Russia Catarina II). L'è staa lì che l'è staa sevellii el Potëmkin.
In l'invasion russa de l'Ucraina del 2022 la città la borla in di primm dì de marz e l'è mituda su 'na ministrazion civil-militar a guida russa, che la nonzia el doperà del rublo russ 'me moneda offizial e l'intenzion de giontàss a la Federazion Russa. Gemellagg Rjašiv, Polonia. Zalaegerszeg, Ungheria. Šumen, Bulgaria. Kent, Statt Unii. Zonguldak, Turchia. Oslo, Norvegia.
Categoria:Cità de l'Ucraina