Epilobium angustifolium l'è 'na piànta erbàcea perène de la famìa botànica de le Onagraceae.
Descrisiù I gamp i è sèmpe e i stà sö 'n pé bèi dricc. I pöl rià dei 50 ghèi ai du méter e mès de altèsa. El g'ha le fòie altèrnàde, 'ntréghe, lanceolàde e con dele capitìne fìne fìne.
I fiùr i bèi gràncc e nömerùs, reüniìcc en spìghe o grezèmboi de culùr pórpora ciàr, i è radiài simétrich con quàter pétali de 2-3 ghèi.
El fröt l'è 'na càpsula con divèrsi granì de somésa de culùr maròn, 300 o 400 per ògna càpsula, 'nfìna a 80.000 per ògna piànta. I granì de somésa i g'ha 'na pelüria sidùza per fà che 'l vènt el vàidie a sparnegài atùren. Le piànte de epilobium le pöl pò a 'ngeneràs per mès de le raìs sotatèra.
Hàbitat L'è 'na piànta uriginària del emisféro nòrt, la crès en abondànsa söi teré calcàrei o apéna apéna àcit e ömecc.
Sinònim Epilobium verticillatum Ten. [1811,1815] Epilobium variabile Lucé Epilobium rubrum Lucé Epilobium neriifolium H.Lév. Epilobium macrocarpum Stephan Epilobium leiostylon Peterm. Epilobium gracile Brügger Epilobium gesneri Vill. Epilobium brachycarpum Leight. Chamerion angustifolium (L.) Holub [BB] Epilobium salicifolium Stokes Pyrogennema angustifolium (L.) Lunell Epilobium salicifolium Clairv. Chamaerion angustifolium (L.) Holub Chamaenerion angustifolium (L.) Scop.
Colegamèncc estèrni
BONAP gives Epilobium angustifolium L. ITIS gives Chamerion angustifolium ssp. angustifolium (L.) Holub
Categoria:Onagraceae