La Val Varron (Val Varrone) l'è ona vall de la Lombardia, in de la Provincia de Lecch. L'è formada del riaa Varron, che le traversa per tutta la soa longhezza, e la va a finì in sù la costa del Lagh de Comm. I sò mont le separen a nord de la Valtellina (chì gh'è 'l Legnon) e de la Valsassina. L'è puttost ripida. I comun de la vall a hinn (de l'inizzi a la fin) Premana, Pagnona, Tremenegh, Introzz, Suej e Vestren; de là se riva a Derv, paes in sù la riva del lagh che 'l partegna nò a la vall. In di paes pussee dent a la vall (Pagnona e Premana) el dialett el ciappa di particolarità strani, compagn de quella che i nomm femminil finissen, al singolar, con la E inscambi de la A.