El Principad de Monegh (Principatu de Múnegu in monegasch, Principauté de Monaco in frances, Principato di Monaco in talian), cugnussud anca domà cuma Monegh, a l'è una monarchia piscinina de l'Europa, confinanta domà con la Franza e bagnada del Mar Mediterrani.
El so sit pussee cognossud a l'è Mont Carl, o ben el quarter pussee central de la cità-Stad, indova i strade formen el famos circuit automobilistegh de Formula 1, vun di pussee malfà al mond per via de la so tortuosità e varietà de percors.
Di voeulte el vegn doperad, el termen Mont CarlLa grafia francesa correta la comprendaria el tratin, siben che l'è minga rari trova la version senza el tratin anca in Franza e in del Principad de Monegg. (di voeulte reportad anca coma Montecarl) inscambi de Monegh o Principad de Monegh. In realtà Mont Carl, per quant important e metud in posizzion central, el representa domà vun di quater quarter che tradizzionalment formen el territori del principad.
Geografia Geografia fisega
El Principad de Monegh cont i so quadrad a l'è, despoeu de la Cità del Vatican, el segond stad sovran pussee piscinin al mond.
El so territori a l'è una streccia fassa de terra in su la Costa Celesta ai pè di Alp, cont el pont pussee volt a l'estremità superior del Chemin des Révoires, a 163 meter in sul nivell del mar. L'entra in de la regione geografega italiana, a l'è in su la Rivera de Ponent, in su la costa del Mar Ligur, 18 chilometer a est de Nizza e a sud-ovest de Ventimija e al confin con l'Italia.
Note
Bibliografia D. Astraudo, Les petits états d'Europe, Nizza, 1937;
Monaco