Pedrian (Pedriano) a l'è ona frazion del comun milanes de San Giulian cont ona popolazion de 148 abitant. El paes l'è staa a longh on comun indeperlù, che 'l faseva part de la Piev de San Giulian. In del period napoleònigh a Pedrian s'hinn giontaa i frazion de Mezzan e Santa Brera. In del 1811 Pedrian l'è stada unida a Meregnan. Tucc quei sitt chì hann recuperaa l'autonomia quand che l'è nassuu el Regn Lombard-Venet, anca se poeu Mezzan e Santa Brera hinn tornaa a fà part de Pedrian in del 1841. In del 1870 Pedrian l'è vegnuda frazion de Viboldon, che poeu on quai ann dòpo l'ha mudaa el nòmm in San Giulian.
Categoria:Frazzion di comun de la cità metropolitana de Milan Categoria:Vegg comun de la Lombardia Categoria:Comun de la Piev de San Giulian