José Antonio Fernández Pla, nado en Santoña (Cantabria) o 13 de setembro de 1956, é un exfutbolista español máis coñecido como Chuco, que xogaba na demarcación de gardameta.
Traxectoria Comezou a xogar profesionalmente no Burgos CF, club que deixa coa desaparición do mesmo en 1983 fichando polo Celta de Vigo ao igual que o defensa Bautista. No Celta non tería demasiado protagonismo, non xogando nin un só minuto a primeira tempada ao atoparse co bo momento de forma de Javier Maté, ao igual que a tempada seguinte, a 1984/85.
A súa oportunidade chegoulle na tempada 1985/86, ao lesionarse Javier Maté no Trofeo Cidade de Vigo ante o Dynamo de Kíiv e a que o porteiro suplente Patxi Villanueva estaba facendo o servizo militar. Así é como Chuco se tivo que facer cargo da portería do Celta a primeira volta do campionato, tras o mercado de inverno volvería á suplencia ao chegar ao club o galego Pereira, procedente do Atlético de Madrid.
Ao final desa tempada o equipo descende a Segunda División e Chuco deixa o equipo, con só sete encontros disputados.
Categoría:Nados en Santoña Categoría:Nados en 1956 Categoría:Futbolistas de Cantabria Categoría:Gardametas de fútbol Categoría:Xogadores do Burgos CF Categoría:Xogadores do Celta de Vigo Categoría:Personalidades sen imaxes