O río Uma é un afluente do río Tea pola súa dereita, á súa vez afluente do río Miño, duns 40 quilómetros de longo, que atravesa a bisbarra do Condado, no sur da provincia de Pontevedra nos concellos de Ponteareas e Salvaterra de Miño.
Etimoloxía Uma < *u̯h1-m-a, viría da raíz hidronímica prelatina galaica indoeuropea *u̯h1-m (auga)̯̯ cfr. lat. ūmeō <*u̯h1-m-o, de recoñecida presenza na hidronimia galega (Río Umia, Río Mao, Acea de Ama etc).
Curso Nace na parroquia de Uma, de onde colle o nome, que viría da raíz hidronímica prelatina indoeuropea Um- (auga), de recoñecida presenza na hidronimia galega (Río Umia, Río Mao, Acea de Ama etc). Enmárcase na conca do Miño. A altitude media é de 59 m sobre o nivel do mar. Ten varios muíños e pozas (ex. Poza de Cecia en Lira e o muíño da Serra en Celeiros).
Ten un couto de pesca de 5,70 km. O límite superior fíxase no lugar de Ponte Alta, na aldea de Lira (Salvaterra de Miño), e a estrema inferior na presa de Manguiña, entre A Valboa e As Covas (Ponteareas).
Galería de imaxes
Notas
Véxase tamén Outros artigos Río Tea
Uma Categoría:Río Tea Uma