A Rosaleira é unha empresa conserveira de produtos vexetais galega, con sede no Rosal.
Historia Foi fundada por José Sánchez García a finais da década de 1930 co nome de Conservas Vegetales José Sánchez García. Nun inicio a súa produción centrouse nas conservas de tomate, fritada e mirabel. Durante moito tempo foi a única empresa galega dedicada á conservación de conservas vexetais. En 1967 comezaron a producirse grelos en conserva. Posteriormente foi adquirida pola empresa Terras Gauda, á que pertence na actualidade.
Produtos Entre os produtos que ofrece están os grelos, mirabeis en caldo de azucre, cogomelos, tomate, zaragallada, fritada e feixóns.
Dende a fundación, a marca mantívose firme no empeño de conservar, da maneira máis natural, as hortalizas, froitas e verduras que produce. Os produtos non levan aditivos nin conservantes.
Categoría:Empresas de alimentación de Galicia Categoría:Economía de Galicia sen imaxes Categoría:O Rosal