Humphrey Richard "Hugh" SlaterThe National Archives nado en 1906 e finado en 1958, foi un pintor e autor británico.
Traxectoria Criouse en Suráfrica e asistiu á Slade School of Art a mediados dos anos 1920. Como pintor chegou a exhibir un cadro abstracto na galería de Lucy Wertheim en Londres. O pintor William Coldstream considerouno como "un pintor moi dotado e pouco común".
Na década de 1930 comezou a involucrarse na política antinazi e afiliouse ó Partido Comunista. En 1936 participou na guerra civil española como Xefe de operacións para as Brigadas Internacionais.
En 1940, de volta a Inglaterra axudou a Tom Wintringham a configurar o centro de Osterley Park, formación que ensinaba a loita de guerrillas e a guerrilla urbana á Garda Nacional británica. Posteriormente foi recrutado no exército regular.
Entre 1945 e 1947 foi editor da revista Polemic. Por outra banda, o filme Conspirator protagonizado por Elizabeth Taylor e Robert Taylor, baséase na súa novela The Conspirator.
Publicacións 1941: Home Guard for Victory! (1941) 1946: The Heretics (1946) 1948: The Conspirator (1948) 1955: Who rules Russia? (1955) 1958: The Channel Tunnel (1958)
Notas
Categoría:Comunismo Categoría:Pintores do Reino Unido Categoría:Pintores do século XX Categoría:Nados en 1906 Categoría:Finados en 1958 Categoría:Nados en Inglaterra