Ignacio Iglesias Villanueva, nado na Coruña o 1 de xuño de 1975, é un árbitro galego da Primeira División de España de fútbol. É membro do Comité de árbitros de Galicia.
Traxectoria No ano 2004 ascende á Segunda División na que permanece durante seis tempadas, da 2004/05 ata a 2009/10.
Consegue o ascenso á Primeira División en 2010, e debuta na máxima categoría o 13 de setembro de 2010 no Estadio de los Juegos Mediterráneos de Almería, dirixindo o partido entre a UD Almería e a Real Sociedad de San Sebastián. O partido rematou cun empate a dous goles.
O 30 de decembro de 2011 recibiu o recoñecemento como Mellor deportista eumés da campaña 2010/11 no marco da X Gala do deporte eumés.Nova no Diario de Ferrol Vida persoal
É irmán do tamén árbitro Javier Iglesias Villanueva. Reside en Pontedeume desde unha idade moi temperá.
Notas
Categoría:Árbitros de fútbol de Galicia Categoría:Nados na Coruña Categoría:Nados en 1975