miniatura|200px|Cuña de queixo roquefort. Roquefort é o nome dunha variedade de queixo orixinalmente francés (de Roquefort-sur-Soulzon, situada na rexión de Occitania) producido con leite de ovella sen pasteurizar.
Esta variedade de queixo presenta unha masa de consistencia cremosa e esfarelada, con casca húmida e sabor acentuado e picante.
Na súa fabricación, así como na das variedades Gorgonzola e Camembert, son inxectados fungos (balores) na masa. No queixo roquefort inxéctase o sal e o fungo Penicillium roqueforti, para logo seguir por un proceso de maduración de tres meses. Son estes fungos os que desenvolven no roquefort a aparencia característica con veos verde-azulados, que lle dan o sabor especial.
Denominación de orixe A nivel nacional, en Francia, o roquefort é recoñecido como appellation d'origine contrôlée (AOC) dende 1925, complementada por un decreto de 1979. Dende 1996, é unha denominación de orixe protexida (PDO) perante a Unión Europea. A nivel internacional, ten rexistro como denominación de orixe, conforme ao Sistema de Lisboa, perante a Organización Mundial da Propiedade Intelectual, dende o 20 de decembro de 1967.
Notas
Véxase tamén Outros artigos Queixo Lista de queixos do mundo
Ligazóns externas
Páxina web en castelán sobre o queixo roquefort.
Categoría:Queixos de Francia
ja:ロックフォール