Luis Castedo Ribas, nado en Santiago de Compostela en 1966, é un enxeñeiro de telecomunicacións galego, catedrático da Universidade da Coruña, da que foi candidato a reitor en 2011.

Traxectoria Formación Fillo de Luís Castedo Expósito, despois de estudar o bacharelato en Santiago, marchou a Madrid para estudar enxeñaría de telecomunicacións na Universidade Politécnica. Alí licenciouse como enxeñeiro de telecomunicación en 1990, e en 1993 alcanzou o grao de doutor enxeñeiro de telecomunicación.Currículum vitae de Luis Castedo Ribas, en ACSUG. Axencia para a Calidade do Sistema Universitario de Galicia.

Nese ano completou estudos na Universidade de Southern California e na École supérieure d'électricité de Francia.

Ao ano seguinte entrou a traballar como profesor titular na Facultade de Informática da Coruña, e en 2001 conseguiu a praza de catedrático, nesa Facultade, na que permanece actualmente.

Labor investigador Desde 1994 é Director do Grupo de Tecnoloxía Electrónica e Comunicacións (GTEC) da UDC. As súas liñas de investigación son o procesado de sinal e teoría da información en sistemas de comunicacións sen fíos e o prototipado de equipos terminais de comunicacións sen fíos. Participou en máis de 30 proxectos de investigación financiados a través de convocatorias competitivas de entidades públicas a nivel autonómico, estatal e europeo, na maioría deles como investigador principal. Participou en máis de 25 convenios de transferencia de teconoloxía con entidades privadas. Particiou en diferentes comisións de avaliación de proxectos de investigación a nivel autonómico e estatal. Foi membro do comité científico de diferentes congresos nacionais e internacionais, e foi presidente dos Comités Organizadores do XVIII Symposium Nacional da URSI 2003 na Coruña, do Eighth IEEE Sensor Array and Multichannel Signal Processing Workshop (SAM 2014) na Coruña, e do 27th European Signal Processing Conference (EUSIPCO 2019) na Coruña. É coinventor dunha patente.

Cargos desempeñados Desempeñou (ou desempeña) os seguintes cargos: Secretario do Departamento de Electrónica e Sistemas da UDC (1997–2000). Membro da Comisión de Doutoramento da UDC (2002–2008). Director do Departamento de Electrónica e Sistemas da UDC (2003–2009). Vogal da Xunta Directiva do Colexio Oficial de Enxeñeiros de Telecomunicación de Galicia (COETG) (desde 2009). Vogal da Comisión Galega de Informes, Avaliación, Certificación e Acreditación (CGIACA) da Axencia para a Calidade do Sistema Universitario de Galicia (ACSUG) (desde 2013). Xestor do Programa Tecnoloxías Electrónicas e de Comunicaciones (TEC), Subprograma Tecnoloxías de Comunicacións (TCM), da Subdirección General de Proyectos de Investigación de la Dirección General de Investigación Científica e Técnica do Ministerio de Economía e Competitividade (desde 2014). Membro do CHIST-ERA Scientific Advisory Board (desde 2014).CHIST-ERA significa European Coordinated Research on Longterm Challenges in Information and Communication Sciences & Technologies ERA-NET.

Candidato a reitor da universidade O doutor Castedo presentouse ás eleccións a reitor en 2011. Na primeira volta, celebrada o 1 de decembro, conseguiu 1 140 votos ponderados, o 22 %, co que pasou á segunda volta contra o candidato continuador Xosé Luís Armesto (33 %)Armesto y Castedo serán los candidatos a la segunda vuelta en las elecciones a rector de la UDC, La Voz de Galicia, 30/11/2011.. Na segunda volta, celebrada o 13 de decembro de 2011, Armesto impúxose a Castedo (48,8 %) e alcanzou o reitorado cun 51,2 %Resultados do escrutinio , web da UDC.

Publicacións Castedo Ribas é coautor de máis de 60 artigos en revistas científicas internacionais indexadas, coautor de máis de 170 artigos en congresos científicos internacionais con revisión por pares e coautor de tres capítulos de libros. (Ver 284 referencias de publicacións de Luis Castedo aquí.)

Artigos en libros O profesor Castedo publicou os seguintes artigos en libros:Luis Castedo Ribas, Artículos en libros en Dialnet.

"Supresión ciega de interferencias de acceso múltiple en sistemas CDMA multiportadora", con Joaquín Míguez, en XIII Simposium Nacional de la Unión Científica Internacional de Radio, Pamplona, 16, 17 e 18 de setembro de 1998. Libro de actas, 1998, ISBN 84-89654-12-3, páxs. 173-174. "Análisis de estabilidad de algoritmos de separación de fuentes", con Adriana Dapena e Cristina Mejuto, en XIII Simposium Nacional de la Unión Científica Internacional de Radio: Pamplona, 16, 17 e 18 de setembro de 1998. Libro de actas, 1998, ISBN 84-89654-12-3, páxs. 425-426. "Técnica de proyección para cancelación de interferencias en sistemas CDMA multiportadora", con Daniel Iglesia e Carlos J. Escudero Cascón, en XIII Simposium Nacional de la Unión Científica Internacional de Radio: Pamplona, 16, 17 e 18 de setembro de 1998. Libro de actas, 1998, ISBN 84-89654-12-3, páxs. 175-176. "Blind adaptive beamforming using the spectral line generation property of CPFSK signals", con Daniel Iglesia, Adriana Dapena e Cristina Mejuto", en Fourth Baiona Workshop on Intelligent Methods for Signal Processing and Communications: based on the proccedings of a conference organized by the University of Vigo, Baiona, xuño de1996 / Domingo Docampo Amoedo (ed. lit.), Aníbal Ramón Figueiras Vidal (ed. lit.), Fernando Pérez González (ed. lit.), 1996, ISBN 84-8158-043-0, páxs. 96-100.

Algúns artigos en revistas "Detección Automática de Eventos en el Taller de Tuberías del Astillero 4.0", con Paula Fraga-Lamas Lamas, Tiago M. Fernández Caramés, Diego Noceda Davila, Manuel A. Díaz Bouza, Miguel Vilar Montesinos e José Daniel Pena Agras, en Bit, ISSN 0210-3923, Nº 206 (novembro de 2017), 2017, páxs. 29-33.Luis Castedo Ribas. Artículos en revistas en Dialnet.

Teses de doutoramento dirixidas ou codirixidas O doutor Castedo dirixiu, ou codirixiu, 14 teses de doutoramento.Luis Castedo Ribas. Tesis en Dialnet.

Premios Castedo foi acredor dos seguintes premios: Best Paper Award, no Congreso IEEE/ITG Workshop on Smart Antennas (WSA), celebrado en Viena, Austria, en febreiro de 2007. Best Paper Award, no Congreso 14th IEEE International Workshop on Signal Processing Advances in Wireless Communications (SPAWC 2013), celebrado en Darmstadt, Alemaña, en xuño de 2013.

Notas

Véxase tamén Outros artigos Luís Castedo Expósito

Ligazóns externas Ficha del Dr. Luís Castedo Ribas. Catedrático de universidad na UDC . Lista de publicacións de Luis Castedo en Google Scholar Citations. Páxina web electoral.

Categoría:Catedráticos da Universidade da Coruña Categoría:Personalidades da informática Categoría:Nados en Santiago de Compostela Categoría:Nados en 1966 Categoría:Personalidades de Galicia sen imaxes Categoría:Alumnos da Universidade Politécnica de Madrid Categoría:Científicos de Galicia