A trompeta dos mortos ou cantarela moura (Craterellus cornucopioides, anteriormente Cantharellus cornucopioides, (do grego cornucopia: corno da abundancia), é un cogomelo comestible apreciado pero moi descoñecido para moitos recolectores. O seu aspecto gris-denegrido fai que sexa rexeitado por moita xente, cando é un cogomelo tanto ou mellor comestible que o seu parente a trompeta amarela.
Descrición De cor gris escuro ou moreno denegrido, en forma de corno ou de funil profundo (de aí o seu nome) que chega case até a base do pé, de marxe estendida, carne tenaz e aromática, coa superficie himenial simplemente engurrada. A súa carne delgada e fibrosa dificilmente podrece.
Hábitat Atópase en bosques caducifolios con chans silícicos húmidos.
Gastronomía Ten moitas aplicacións culinarias e pode conservarse seco en feixes ou ben en po como condimento. Desprende un cheiro que lembra á ameixa e o seu gusto é parecido ó da trufa.
Perigo de confusión É moi parecida, pero máis escura, á trompeta gris (Cantharellus Cinereus), tamén comestible. Non se pode confundir con ningunha especie velenosa.
Galería
Notas
Véxase tamén
Categoría:Fungos de Galicia Categoría:Craterellus Categoría:Fungos comestibles