Georges Charpak, nado o 1 de agosto de 1924 e finado o 29 de setembro de 2010Muere el premio Nobel de Física Georges Charpak, foi un físico polaco-francés gañador do Premio Nobel de Física.
Traxectoria Charpak naceu na cidade de Dąbrowica en Polonia (actual Dubrovytsia, Ucraína) nunha familia xudía de orixe polaca-ucraína. A familia de Charpak emigrou de Polonia a París cando el tiña sete anos de idade.
Durante a segunda guerra mundial Charpak enrolouse na Resistencia francesa, foi feito prisioneiro polas autoridades da Francia de Vichy en 1943. En 1944 foi deportado a un campo de concentración Nazi no Dachau, onde permaneceu ata que o campo foi liberado no 1945. Despois de graduarse no instituto de Montpellier, en 1945 entrou na École des Mines, en París, unha das máis prestixiosas escolas de enxeñería de Francia. O ano seguinte nacionalizouse como cidadán francés.
Graduouse en 1948, obtivo o seu grao de enxeñaría de minas e comezou a traballar para o Centre national de la recherche scientifique (CNRS). Recibiu o seu doutoramento en 1954 de Física nuclear no Collège de France, París, onde traballou no laboratorio de Frédéric Joliot-Curie. En 1959 uniuse ao CERN (European Organization for Nuclear Research) en Xenebra e en 1984 converteuse en profesor da Escola de Estudos Avanzados en Física e Química en París.
Foi membro da Academia de Ciencias Francesa en 1985. En 1992, recibiu o Premio Nobel de Física "polo invento e desenvolvemento de detectores de partículas, en particular a cámara multicable".
En Francia, Charpak foi un defensor decidido da enerxía nuclear e era membro do comité que publica o Bulletin of the Atomic Scientists .
Notas
Véxase tamén Ligazóns externas Information from Official Nobel site Georges Charpak
Categoría:Premio Nobel de Física Categoría:Físicos de Polonia Categoría:Nados en 1924 Categoría:Premios Nobel de Francia Categoría:Nados na rexión de Rivne Categoría:Premios Nobel de Polonia Categoría:Premios Nobel de Ucraína Categoría:Membros da Academia Austríaca de Ciencias Categoría:Profesores do Collège de France