Lorenzen Vern-Gagne Wright, nado o 4 de novembro de 1975 en Memphis, Tennessee e morto na mesma cidade en xullo de 2010, foi un xogador profesional estadounidense de baloncesto da National Basketball Association. Antes do seu falecemento non tiña equipo, polo que era un axente libre. Con 2,11 metros de altura xogaba na posición de pivote.
Traxectoria Universidade Asistiu á Universidade de Memphis, onde foi seleccionado no terceiro quinteto do All-America no seu segundo ano. Na súa etapa nos Tigers, conseguiu 31 dobres-dobres en 64 partidos e se converteu no terceiro xogador de segundo ano da universidade en anotar 1.000 puntos na súa traxectoria. No seu ano sophomore, Wright tivo unha media de 17,4 puntos e 10,4 rebotes por partido, conseguindo 16 dobres-dobres e sendo o 16ª mellor reboteador da nación.
NBA Wright foi seleccionado polos Los Angeles Clippers no sétimo lugar do Draft da NBA de 1996. Nos Clippers pasou tres tempadas, antes de ser traspasado aos Atlanta Hawks en 1999. A campaña 1999-00 foi a da súa consagración, facendo 12,4 puntos e 7,5 rebotes por noite. Ese verán foi traspasado aos Memphis Grizzlies no intercambio que mandaba a Pau Gasol aos Grizzlies e a Shareef Abdur-Rahim aos Hawks. Na súa nativa Memphis pasou cinco anos cobrando grande importancia no xogo interior do equipo, sendo regularmente o pivote titular.
En 2006 asinou coma axente libre cos Atlanta HawksCavaliers Sign Lorenzen Wright por dous anos. O 16 de febreiro de 2008 foi traspasado aos Sacramento Kings xunto con Shelden Williams, Anthony Johnson, Tyronn Lue e unha segunda rolda do draft de 2008 a cambio do base Mike Bibby. O 5 de setembro de 2008 asinou contrato cos Cleveland Cavaliers, aínda que foi cortado do equipo.
Falecemento Wright deixou a casa da súa ex esposa en Memphis, Tennessee, o 18 de xullo de 2010, e xa non foi volto a ver máis. A súa familia presentou unha denuncia de desaparición o 22 de xullo. Despois que o cadáver de Wright fose atopado o 28 de xullo nunha zona boscosa preto da estrada de Callis Cutoff, ao oeste de Hacks Cross Road. O caso está a ser investigado como un homicidio. O corpo de Wright está enterrado no cemiterio Calvary de Memphis.
Notas
Véxase tamén Ligazóns externas Ficha en NBA.com de Lorenzen Wright Estatísticas de Lorenzen Wright
Categoría:Xogadores de baloncesto da NBA Categoría:Xogadores de baloncesto dos Estados Unidos de América Categoría:Nados en 1975 Categoría:Eleccións no Draft da NBA dos Los Angeles Clippers Categoría:Xogadores dos Los Angeles Clippers Categoría:Xogadores dos Atlanta Hawks Categoría:Xogadores dos Memphis Grizzlies Categoría:Xogadores dos Sacramento Kings Categoría:Xogadores dos Cleveland Cavaliers Categoría:Pivotes de baloncesto Categoría:Nados en Memphis, Tennessee Categoría:Finados en 2010