José Ramom Rodrigues Fernandes, máis coñecido polo pseudónimo de Moncho de Fidalgo, nado en Penaxubeira (A Cervela, O Incio) o 13 de xuño de 1955, é un escritor galego.
Traxectoria Estudou Electrónica Industrial en Lugo e Enxeñaría Industrial Técnica en Madrid. En 1979 foi elixido concelleiro do concello do Incio polo BNPG. Publicou a súa primeira obra no 1983, O sereno, Um guerrilheiro em Estalinegrado (Atria Edicións). No 1985 saíu Seguindo o caminho do vento, no que se reflicte a xuventude galega nos últimos tempos da ditadura de Franco. No 1987 publicou Contos de fada en do maior. No 1989, Luzia, ou o canto das sereias. En 1996 publicou Contos de Outono. En 2018 História das nossas vidas, unha novela romántica.
No Boletín Renovação publicou en 2002 e 2003 Eu vi queimar Sarajevo, Histórias do pretérito, Sonho ou pesadelo? (relato curto), O Senhor Argis, Ao Daniel de Ferreiro, meu amigo, Quem voltasse àqueles tempos de garoto, Um velho escritor (relato curto).
Ten publicado en Agália, Nós, Cadernos do Povo, Bisbarra, Bússola, Jornal de Letras, A Nosa Terra, Renovação, Gralha, Tempo, El Correo Gallego e La Voz de Galicia.
É membro da Academia Galega da Língua Portuguesa e da AGAL.
Foi danzante moitos anos nas danzas tradicionais da Cervela.
Obras O Sereno (Um guerrilheiro em Estalinegrado) (1983). Atria Edicións. 2ª edición en Renovação Edições (1990). ISBN 84-86170-02-8. Con prólogo de Isaac Alonso Estravís. Seguindo o caminho do vento (1985). Irmandades da Fala de Galiza e Portugal. Cadernos do Povo. 134 páxs. Contos de fada em do maior (1987). Irmandades da Fala de Galiza e Portugal. Cadernos do Povo. 72 páxs. Luzia, ou o canto das sereias (1989). Cadernos do Povo. Pontevedra-Braga. 126 páxs. Contos do Outono (1996). Renovação Edições. 54 páxs. ISBN 84-605-4692-6. Conversas com Antom Árias Curto (2000). Renovação ISBN 84-607-0115-8. História das nossas vidas (2018). Renovação Edições. 86 páxs. ISBN 978-84-697-6811-2. A menina da Ribeira (2025). Renovação Edições. 131 páxs. ISBN 9788412984095.
Notas
Véxase tamén Canle persoal en YouTube
Categoría:Escritores de Galicia en lingua galega Categoría:Nados no Incio Categoría:Nados en 1955