O Abckiria é o primeiro libro publicado en lingua finesa. Foi escrito por un relixioso chamado Mikael Agricola, e a súa primeira edición data de 1543.
Historia Agricola escribiu o libro mentres traballaba nunha primeira tradución ao finés do Novo Testamento, publicada en 1548 baixo o título de Se Wsi Testamenti.
O "Abckiria" era un método de ensinanza de lectura e escritura. Contén o alfabeto, exercicios de pronunciación, e un catecismo (incluído os Dez mandamentos e a oración do Noso Pai). A primeira edición contaba con 16 páxinas. A segunda, realizada en 1551, tiña 24 follas.
Fragmento Actualmente, o fragmento máis popular da obra é o poema inicial:
Oppe nyt wanha / ia noori / joilla ombi Sydhen toori. Jumalan keskyt / ia mielen / iotca taidhat Somen kielen.
("Aprende agora, vello e novo, que tedes tenro o corazón, os mandamentos e entendemento de Deus, así coñeceredes a lingua finesa.")
Categoría:Manuscritos Categoría:Obras literarias de 1543 Categoría:Obras de poesía en finés Categoría:Literatura relixiosa