Dirck Henry Kloosterman, nado en 1935 e finado o 22 de maio de 1973 en Avellaneda, provincia de Buenos Aires) foi un enxeñeiro e dirixente sindical arxentino, secretario xeral do Sindicato de trabajadores mecánicos (SMATA) pertencente á CGT. Morreu asasinado nun atentado que se atribuíu a organización Fuerzas Armadas Peronistas (FAP) tres días antes de que ocupara o cargo o presidente constitucional Héctor Cámpora.
Traxectoria Dirck Kloosterman formouse como enxeñeiro mecánico na Universidade Nacional de La Plata. En 1964 comezou a traballar no movemento sindical como delegado de fábrica na empresa Peugeot. En 1966 foi elixido para formar parte do Consello Directivo do SMATA. En 1968 foi elixido Secretario Xeral do sindicato, posto que ocupaba no momento en que foi asasinado.
Dirck Kloosterman pertencía tamén ao secretariado da Confederación General del Trabajo (CGT) e era vicepresidente da Federación Internacional de Trabajadores Metalúrgicos (FITIM).
A súa morte Dirck Kloosterman foi asasinado na cidade da Plata, na porta da súa casa da Rúa 51 nº 1617, no momento en que sacaba o seu automóbil. Vivía alí coa súa esposa, fillos e o seu pai.
O atentado foi recoñecido polas Fuerzas Armadas Peronistas (FAP) organización que máis tarde se integraría en Montoneros.
Notas
Véxase tamén Outros artigos Guerra sucia na Arxentina Revolución Arxentina
Categoría:Asasinatos na Arxentina Categoría:Sindicalistas da Arxentina Categoría:Nados en 1935 Categoría:Finados en 1973