James Dewey Watson, nado en Chicago (Illinois) o 6 de abril de 1928 e finado en East Northport (Nova York) o 6 de novembro de 2025, foi un biólogo e zoólogo estadounidense, famoso por ser un dos descubridores da estrutura da molécula de ADN, que lle valeu o recoñecemento da comunidade científica sendo galardoado co Premio Nobel de Medicina ou Fisioloxía.
Traxectoria En 1947 ingresa na Escola de graduados da Universidade de Indiana, onde traballaba , galardoado co Premio Nobel de Fisioloxía ou Medicina en 1962 (compartido ese ano con Maurice Wilkins e Francis Crick) polos seus descubrimentos acerca da estrutura molecular dos ácidos nucleicos e a súa importancia para a transferencia da información na materia viva. En maio de 1950, á idade de 22 anos, Watson completou o seu doutoramento en Zooloxía. Incorporouse á Universidade Harvard en 1955. Traballou xunto ao biofísico británico Francis Crick no Laboratorio Cavendish, Universidade de Cambridge de 1951 ata 1953. Tomando como base os traballos realizados no laboratorio polo biofísico británico Maurice Wilkins, Watson e Crick desentrañaron a estrutura en dobre hélice da molécula do ácido desoxirribonucleico (ADN). As investigacións proporcionaron os medios para comprender como se copia a información hereditaria. Posteriormente Arthur Kornberg achegou probas experimentais da exactitude do seu modelo. Como recoñecemento aos seus traballos sobre a molécula do ADN, Watson, Crick e Wilkins compartiron en 1962 o Premio Nobel de Medicina. En 1968 foi director do Laboratorio de Bioloxía Cuantitativa de Cold Spring Harbor, Nova York. Escribiu The Double Helix (A dobre hélice, 1968), historia do descubrimento da estrutura do ADN. Participou no proxecto Xenoma Humano nos Institutos Nacionais da Saúde.
Notas
Véxase tamén Bibliografía James D. Watson, The Double Helix: A Personal Account of the Discovery of the Structure of DNA, Atheneum, 1980, ISBN 0-689-70602-2 (first published in 1968) James D. Watson, Xenes, Girls, and Gamow: After the Double Helix, Random House, xaneiro de 2002, hardcover, 259 pages, ISBN 0-375-41283-2 James D. Watson e Andrew Berry, DNA: The Secret of Life, Random House, abril, 2003, hardcover, 464 pages, ISBN 0-375-41546-7
Ligazóns externas Comentario sobre o seu libro Paixón polo ADN
Categoría:Premio Nobel de Medicina Categoría:Biólogos dos Estados Unidos de América Categoría:Zoólogos dos Estados Unidos de América Categoría:Nados en Chicago Categoría:Nados en 1928 Categoría:Medalla Presidencial da Liberdade Categoría:Estadounidenses de ascendencia inglesa Categoría:Premios Nobel dos Estados Unidos de América Categoría:Biólogos moleculares Categoría:Bioquímicos dos Estados Unidos de América Categoría:Finados en 2025