O Club Deportivo Moaña é un equipo de fútbol de Moaña, fundado en 1977, que milita na Preferente Autonómica de Galicia. Foi o club onde comezaron a súa carreira os xogadores Iago Aspas e Jonathan Aspas.
A vestimenta do equipo componse de camisola azul celeste, pantalón branco e medias azul celeste.
Historia O CD Moaña foi inscrito na Federación Galega de Fútbol o 16 de xuño de 1977, sendo Antonio Verde Eiroa o seu primeiro presidente. O primeiro partido que disputou o club foi o 24 de agosto dese mesmo ano no Estadio Municipal da Xunqueira de Moaña fronte o Alondras CF de Cangas de Morrazo, rematando o partido con vitoria visitante,
A finais de outubro de 1977, por iniciativa da directiva, procedeuse ó peche total do Campo da Xunqueira, pois ata entón só tiña peche a zona norte. A xunta directiva solicitou a colaboración ós afeccionados e ó pobo en xeral para poder levar a cabo o valado da zona sur, lindeira coa praia da Xunqueira.
Co club xa inscrito na Federación Galega de Fútbol, comezou a competir en categoría sénior no Campionato de Terceira Categoría Rexional Grupo 5º, sendo o rival na primeira xornada o Marín C.F., partido disputado no Campo Municipal da Xunqueira o día 27 de novembro de 1977.
Nesta primeira tempada finalizou o campionato en segunda posición, por detrás do Domaio e por diante do Marín, ascendendo os tres equipos á 2ª Categoría Rexional. Ese mesmo ano o equipo disputou a Copa Comarca de Pontevedra, clasificándose para a final, despois de eliminar o San Miguel de Deiro, Atlético Cuntis, Umia de Barrantes e Vilalonga, todos eles equipos de superior categoría, disputando a final contra o San Adrián de Cobres. Esta final disputouse en Arcade, sendo derrotado o Moaña por 3 goles a 2.
Ao longo dos anos foron moitos os presidentes que se fixeron cargo do club, habitualmente para evitaren unha eventual desaparición da institución. Entre eles estiveron Antonio Verde Eiroa (presidente fundador), Antonio Fervenza, Santomé, José Cidras, Pablo Trigo Piñeiro, Antonio Sobrino García, Cándido Costas Tobio, José Núñez Giraldez, Manuel Juncal Souto, J. Antonio Xil Ríos, Carlos Trigo Fervenza, Alberto Miranda Cancelas, Miguel Ángel Nogueira Pérez e Cándido Blanco.
Desde o ano 2009 o club disputa os seus partidos como local no Campo do Casal, de herba artificial, por mor da rehabilitación da Praia da Xunqueira, que linda co estadio da Xunqueira. Tamén nese mesmo ano fundouse o equipo filial, o Moaña Sporting, tamén coñecido como Moaña B.
Historial Tempada a tempada TempadaCategoríaPosto2000/011ª Autonómica3º2001/021ª Autonómica4º2002/031ª Autonómica9º2003/041ª Autonómica3º2004/051ª Autonómica8º2005/061ª Autonómica9º2006/071ª Autonómica 10px2007/08Preferente 10px2008/091ª Autonómica4º2009/101ª Autonómica4º2010/111ª Autonómica7º2011/121ª Autonómica4º2012/131ª Autonómica2013/141ª AutonómicaTempadaCategoríaPosto2014/151ª Autonómica4º2015/161ª Autonómica 10px2016/17Preferente4º2017/18Preferente5º2018/19Preferente6º2019/20Preferente8º2020/21non competiu2021/22Preferente / 10px2022/231ª Galicia 10px2023/24Preferente13º2024/25Preferente—
Xogadores famosos Jonathan Aspas Iago Aspas
Notas
Véxase tamén Outros artigos Moaña Ligazóns externas CD Moaña Web resultadosdefutbol.com
Categoría:Deporte en Moaña Moaña