Antonio José Rodríguez Díaz, máis coñecido como Antonio Puertas, nado en Benahadux o 21 de febreiro de 1992, é un futbolista español que xoga como dianteiro no Albacete Balompié, da Segunda División.
Traxectoria Coñecido como Antonio Puertas por ser este o segundo apelido de seu pai, formouse como futbolista nas canteiras do Los Molinos, o Villarreal e o Almería. En 2011 na Segunda División B, nas filas do Polideportivo Ejido. O 31 de xaneiro de 2012, trala disolución do Poli Ejido, fichou polo Recreativo Granada. Marcou 10 goles en Segunda B na tempada 2013/14, antes de pasar ao Almería B.
En xuño de 2015 foi subido ao primeiro equipo do Almería na Segunda División. Debutou co conxunto andaluz o 9 de setembro, substituíndo a José Ángel Pozo na segunda parte dun empate 3-3 na Copa do Rei contra o Elche.
En xuño de 2017 regresou ao Granada, asinando un contrato de tres anos. Durante a campaña 2018/19 anotou dez goles, contribuíndo de xeito significativo ao ascenso á Primeira División.
A súa estrea na máxima categoría produciuse o 17 de agosto de 2019, saíndo de titular e marcando un gol diante do Villarreal. Foi titular habitual nos anos seguintes, pero perdeu protagonismo na tempada 2023/24, na que só contou con seis titularidades, descendendo ao remata da competición.
A continuación militou un ano no Eibar, antes de fichar en 2025 polo Albacete.
Notas
Categoría:Nados en 1992 Categoría:Nados na provincia de Almería Categoría:Futbolistas de Andalucía Categoría:Dianteiros de fútbol Categoría:Xogadores do Club Polideportivo Ejido Categoría:Xogadores do Granada CF B Categoría:Xogadores da UD Almería B Categoría:Xogadores da UD Almería Categoría:Xogadores do Granada CF Categoría:Xogadores do SD Eibar Categoría:Xogadores do Albacete Balompié