Uppvidinge é un concello sueco no condado de Kronoberg. A súa capital é a localidade de Åseda.
A área que conforma Uppvidinge é, en relación co resto do sur de Suecia, a dun municipio forestal de terras altas. No norte, ao igual que na localidade de Lenhovda, hai paisaxes agrícolas pequenas ao redor de granxas e aldeas.
O concello ten unha longa tradición industrial, principalmente relacionada coa madeira, o metal e o vidro. Por exemplo, xa no século XVIII existía unha ferrería onde se facían cravos a carón do río Alsterån. A principios da década de 2020 algo menos da metade dos empregados do municipio traballaban na industria manufactureira.
Dende a fundación do concello en 1971 a tendencia de poboación foi negativa, con excepcións durante algúns anos da década dos 90 e na segunda metade da década de 2010. No ano 2024 a poboación do concello era de 9 061 habitantes.
Notas
Categoría:Concellos de Suecia Categoría:Condado de Kronoberg