Wounded Knee (en ) é un lugar designado polo censo que se atopa na reserva india de Pine Ridge, no condado de Oglala Lakota Condado, Dacota do Sur, nos Estados Unidos. Segundo o censo de 2020 a súa poboación era de 364 persoas.
A vila recibe o seu nome do regato Wounded Knee que discorre pola rexión. Os ósos e o corazón do xefe síux Cabalo Tolo foron enterrados ao longo deste regato pola súa familia despois da súa morte en 1877. A vila atópase dentro da reserva india de Pine Ridge, territorio dos oglala lakota (síux).
Historia O 29 de decembro de 1890, na mesma zona, produciuse o coñecido como masacre de Wounded Knee, no cal o 7º Rexemento de Cabalaría dos Estados Unidos matou máis de 300 homes, mulleres e nenos lakota que estaban a ser trasladados á reserva india de Pine Ridge.
O 27 de febreiro de 1973, durante a ocupación de Wounded Knee, o American Indian Movement (AIM) ocupou a reserva india de Pine Ridge preto de Wounded Knee en protesta contra o goberno federal e as súas políticas relacionadas co nativos americanos. Produciuse un enfrontamento de 71 días entre as autoridades federais e o AIM. Os membros do grupo rendéronse o 8 de maio.
Demografía
Notas
Categoría:Lugares designados polo censo dos Estados Unidos de América Categoría:Reserva india de Pine Ridge