As Instalacións Deportivas da Madroa, ou simplemente A Madroa, son un complexo deportivo de titularidade municipal onde se disputan algúns adestramentos das categorías inferiores do Real Club Celta de Vigo. Constituía o principal lugar de adestramento do club antes da construción da Cidade Deportiva Afouteza, en Mos. Recibe o nome do lugar da Madroa, da parroquia de Candeán. Por extensión, adoita empregarse para referirse ao conxunto de xogadores saídos da canteira do equipo celeste.
Historia As instalacións da Madroa fóronlle outorgadas ao Celta de Vigo no verán de 1990. O primeiro adestramento do club celeste realizouse o 27 de xullo desde ano. As instalacións foron conceptualizadas e inauguradas polo alcalde de aquel entón, Manoel Soto, ao presidente do equipo vigués tamén por aquel entón, José Luís Rivadulla.
Durante a década dos noventa e até o ano 2020, ditas instalacións foron o lugar habitual de adestramento do primeiro equipo do Celta, así como das categorías inferiores. Finalmente, o 26 de novembro de 2020, o cadro do primeiro equipo do Celta realizou o seu último adestramento nas instalacións antes de se mudaren á Cidade Deportiva Afouteza, no concello limítrofe de Mos. Infraestruturas As instalacións constan de: 1 campo de céspede natural de medidas 108,25 x 69,90 metros. 1 campo de céspede sintético de medidas 108,55 x 66,50 metros e 660 asentos na bancada. 1 campo de céspede natural de medidas 116,20 x 71,20 metros. 1 campo de céspede sintético de medidas 104,00 x 57,80 metros e 488 asentos na bancada. Centro de servizos e ximnasio.
Notas
Véxase tamén Outros artigos Campo Municipal de Barreiro
Categoría:Celta de Vigo Categoría:Vigo sen imaxes