Vicente Capdevila Cardona, nado en L'Hospitalet de Llobregat o 28 de outubro de 1936 e finado na mesma vila o 21 de marzo de 2020, foi un avogado e político catalán.
Traxectoria Licenciado en Dereito pola Universidade de Deusto foi vicepresidente da Asociación de Antigos Alumnos de Deusto. En 1964 foi nomeado concelleiro do terzo corporativo na súa cidade natal e foi tenente de alcalde de Cultura até 1971. O 3 de abril de 1973 tomou posesión como alcalde de L'Hospitalet de Llobregat, e ocupou o cargo até 1977. Foi vicepresidente da Corporación Metropolitana de Barcelona e deputado provincial.
Nas eleccións xerais de 1977 foi elixido deputado da UCD pola circunscrición electoral de Barcelona. Entre o 3 de xuño de 1978 e o 18 de xaneiro de 1980 foi director xeneral de Administración Local do Ministerio de Administración Territorial. Nas eleccións ao Parlamento de Cataluña de 1980 foi elixido deputado de Centristes de Catalunya-UCD por Barcelona e permaneceu no cargo até maio de 1984, aínda que en xullo de 1983 pasou ao Grupo Mixto.
Faleceu aos oitenta e tres anos o 21 de marzo de 2020 a consecuencia da COVID-19. Foi un dos primeiros políticos de Cataluña falecidos a consecuencia da pandemia por enfermidade de coronavirus.
Notas
Categoría:Nados en L'Hospitalet de Llobregat Categoría:Finados pola COVID-19 en España Categoría:Alcaldes de L'Hospitalet de Llobregat Categoría:Políticos de UCD Categoría:Deputados no Congreso dos Deputados (Lexislatura constituínte) Categoría:Nados en 1936 Categoría:Finados en 2020