Jon Mikel Aramburu Mejías, nado en Caracas o 23 de xullo de 2002, é un futbolista venezolano que xoga como defensa na Real Sociedad B, da Primeira División RFEF de España.
Traxectoria
Deportivo La Guaira Naceu en Caracas, sendo fillo de pais venezolanos e neto por parte paterna de donostiarras. Formouse nas categorías inferiores do Deportivo La Guaira da súa cidade natal, debutando co primeiro equipo na Primeira División o 23 de febreiro de 2020, nun partido ante o Portuguesa FC. Pechou a súa primeira tempada cun total de 17 partidos. Afianzouse no equipo durante as seguintes dúas campañas, disputando un total de 67 partidos, 2 deles na Copa Libertadores e 5 na Copa Suramericana.
España O 3 de agosto de 2022 instalouse no País Vasco, fichando polo Real Unión da Primeira División RFEF. Co equipo de Irún marcou tres goles e repartiu dúas asistencias nun total de 33 partidos.
En agosto do ano seguinte cumpriu o seu soño de fichar pola Real Sociedad, club do que era afeccionado e cuxa camiseta xa vestira na disputa dun torneo amigable cando era cadete. Foi incorporado á Real Sociedad B, tamén de Primeira RFEF. O 1 de novembro de 2023 debutou co primeiro equipo da Real, na vitoria por 1-0 ante o Buñol na primeira rolda da Copa do Rei.
Selección nacional Foi internacional coas seleccións sub-17, sub-20 e sub-23 de Venezuela. Debutou coa selección venezolana absoluta o 18 de xuño de 2023, sendo titular na vitoria por 1-0 ante Guatemala en partido amigable.
Notas
Categoría:Nados en 2002 Categoría:Nados en Caracas Categoría:Venezolanos de ascendencia vasca Categoría:Defensas de fútbol Categoría:Futbolistas de Venezuela Categoría:Xogadores do Real Unión Categoría:Xogadores da Real Sociedad B Categoría:Xogadores da Real Sociedad Categoría:Xogadores da selección de fútbol de Venezuela