O Dicionario do Galego do Bierzo é unha obra de Sara Rodríguez Fernández, publicada pola Universidade de Vigo no 2023.
Características O libro xorde a partir fun TFG que Sara Rodríguez realizou para o grao de Tradución e Interpretacións cursado na Universidade de Vigo. Alí, a partir dos azos e do apoio de Xosé Henrique Costas ampliouse e transformouse finalmente nun libro.
Recolle ao longo de 265 páxinas quince mil palabras de uso habitual na lingua galega do Bierzo. O libro presentouse en decembro de 2023 na cidade de Ponferrada, e xorde da "necesidade de recoller e de recompilar nunha mesma obra o léxico que tantas persoas empregaron, e empregan sen moitas veces ser conscientes, ao longo da súa vida".
O dicionario recolle voces dos concellos de Arganza, Barxas, Borrés, Carracedelo, Camponaraia, Candín, Carucedo, Corullón, Oencia, A Ponte de Domingos Flórez, Priaranza, Toural dos Vaos, Trabadelo, Valboa, A Veiga de Espiñareda, A Veiga de Valcarce e Vilafranca, así como dalgunhas pedanías dos concellos de Fabeiro, Peranzais e Ponferrada.
Notas
Categoría:Dicionarios galegos Categoría:Universidade de Vigo Categoría:Obras literarias de 2023 Categoría:O Bierzo