O Ministerio de Vivenda e Axenda Urbana de España é o departamento da Administración Xeral do Estado encargado das políticas do Goberno en relación ao dereito á vivenda, edificación, urbanismo, solo e arquitectura.
Foi creado por primeira vez tras a aprobación da Lei do Solo no ano 1957, asumindo as competencias de urbanismo (Dirección Xeral de Arquitectura e Urbanismo) que anteriormente dependían do Ministerio da Gobernación. Suprimido en 1977, volveuse a restablecer na VIII lexislatura, sendo presidente do Goberno José Luís Rodríguez Zapatero, coa finalidade de garantir a toda a cidadanía o acceso a unha vivenda de calidade. En 2010 volveuse suprimir e, en 2023, Pedro Sánchez restableceuno baixo o nome de «Ministerio de Vivenda e Axenda Urbana».
A súa titular é, desde o 21 de novembro de 2023, Isabel Rodríguez García, ministra de Política Territorial e voceira do Goberno entre 2021 e 2023.
Orixes Foi creado en 1957 durante a ditadura de Franco, sendo nomeado o seu ministro José Luís de Arrese. Creouse para a acción administrativa en materia de vivenda, arquitectura e urbanismo, agrupando diversos organismos existentes: Dirección Xeral de Rexións Devastadas, Dirección Xeral de Arquitectura e Urbanismo e Instituto Nacional da Vivenda.
Galería de imaxes
Notas
Véxase tamén Ligazóns externas Web do Ministerio de Vivenda Consello para a Sustentabilidade, Innovación e Calidade da Edificación (CSICE) Web da Sociedade Pública de Aluguer Web da Entidade Pública Empresarial de Chan
Categoría:Ministerios de España