Pedro Blanco Lobeiras, nado en Monfero en 1968, é un avogado e político galego. Ocupa o cargo de delegado do Goberno en Galicia desde o 13 de xuño de 2023. Traxectoria
Licenciouse en Dereito pola Universidade de Santiago de Compostela. Desde 1994 foi profesor e coordinador laboral e de Seguridad Social nun dos mestrados desa mesma universidade. É socio fundador do bufete Blanco & Guerra, con sede en Viveiro.
Afiliado ao PSOE desde 1991, ocupou varios cargos a nivel local e rexional. É secretario de Emprego da executiva do PSdeG, liderada por Valentín González Formoso. En 1992 uniuse ao sindicato UGT, e foi responsable da área xurídica da federación de UGT-Galicia. Especializouse en temas relacionados coa Seguridade Social. Traballou como asesor na Consellaría de Traballo e Benestar da Xunta de Galicia durante o bipartito galego.
Nomeárono delegado do Goberno en Galicia tras deixar o cargo Xosé Ramón Gómez Besteiro para encabezar a lista dos socialistas pola provincia de Lugo nas Eleccións xerais de España de 2023.
Notas
Categoría:Nados en Monfero Categoría:Nados en 1968
Categoría:Alumnos da Universidade de Santiago de Compostela
Categoría:Delegados do goberno en Galicia
Categoría:Avogados de Galicia