Manuel Moinelo Allegue, nado na Coruña en 1955, é un político galego de Cidadáns. Traxectoria Estudou Medicina na Universidade de Santiago de Compostela entre 1973 e 1977 sen chegar a rematar a carreira. Traballou como directivo en empresas do sector dos seguros e logo na banca. En 2014 entrou a militar en Cidadáns, foi subdelegado territorial da Coruña (2016-2017) e como tal membro do Comité Territorial Autonómico. Tamén foi voceiro da agrupación de Oleiros (2017-2020). Nas eleccións municipais de 2019 foi de cabeza de lista no seu partido en Oleiros, e como a súa forza logrou un concelleiro entrou como edil na corporación municipal. Dende setembro de 2022 é o responsable de concelleiros de Cidadáns en Galicia e a súa formación escolleuno para encabezar a lista na Coruña, nunha candidatura na que ía participar Democracia Coruñesa de Miguel Ángel Rosende, mais que acabou por se integrar en Cidadáns.
Notas
Categoría:Nados en 1955 Categoría:Alumnos da Universidade de Santiago de Compostela Categoría:Concelleiros de Oleiros Categoría:Políticos de Cidadáns - Partido da Cidadanía Categoría:Nados na Coruña Categoría:Personalidades sen imaxes