Hywel Teifi Edwards, nado o 15 de outubro de 1934 e finado o 4 de xaneiro de 2010, foi un crítico literario e historiador cultural. Foi un especialista na historia do Eisteddfod.
Traxectoria Creceu en Aberarth, Ceredigion, e foi á Aberaeron Grammar School e á Universidade de Aberystwyth. Foi profesor de lingua galesa en Ysgol Gramadeg y Garw, onde coñeceu á súa esposa Aerona, antes de unirse en Swansea ao Departamento de Educación de Adultos da Universidade de Swansea como titor de literatura galesa . Converteuse en profesor titular e xefe do departamento de galés da facultade antes de xubilarse.
A súa especialidade foi a historia do século XIX e especialmente a historia do National Eisteddfod (Eisteddfod Genedlaethol). Colaboraba habitualmente na televisión e na radio galesa. Presentouse como candidato parlamentario pola circunscrición de Llanelli en 1983 e pola de Caerfyrddin en 1987. Foi o pai do xornalista Huw Edwards. Morreu o 4 de xaneiro de 2010 no hospicio Tŷ Bryngwyn de Llanelli após unha curta enfermidade.
Homenaxes Tudur Hallam gañou a cátedra do Blaenau Gwent National Eisteddfod 2010 pola súa oda á lembranza de Hywel Teifi.
A Academi Hywel Teifi foi lanzada como parte da Universidade de Swansea no Blaenau Gwent National Eisteddfod 2010 .
Notas
Véxase tamén
Bibliografía
Yr Eisteddfod 1176-1976 (Gomer, 1976) Gŵyl Gwalia: Yr Eisteddfod yn Oes Aur Victoria 1858-1868 (Gomer, 1980) Codi'r hen wlad yn ei hol, 1850-1914 (Gomer, 1989) Eisteddfod Ffair y Byd, Chicago, 1893 (Gomer, 1990) The Eisteddfod (Gwasg Prifysgol Cymru, 1990) Cwm Tawe (gol.) (Gomer, 1993) Arwr Glew Erwau'r Glo (Gomer, 1994) Nedd a Dulais (gol.) (Gomer, 1994) Cwm Rhondda (gol.) (Gomer, 1995) Cwm Aman (gol.) (Gomer, 1996) Cwm Cynon (gol.) (Gomer, 1997) Llynfi ac Afan, Garw ac Ogwr (gol.) (Gomer, 1998) Codi'r Llen (Gomer, 1998) Ebwy, Rhymni a Sirhywi (gol.) (Gomer, 1999) Cwm Gwendraeth (gol.) (Gomer, 2000) Merthyr a Thaf (gol.) (Gomer, 2001) Yn Gymysg Oll i Gyd (gol.) (Gomer, 2003) O'r pentre gwyn i Gwmderi (Gomer, 2004) Hanes Eglwys Bryn Seion, Llangennech (2007) The National Pageant of Wales (Gomer, 2009) Tegwyn Jones, Bro a Bywyd: Hywel Teifi (Barddas Publications, 2013)
Notas
Categoría:Finados en 2010 Categoría:Nados en 1934 Categoría:Profesores de universidades do Reino Unido Categoría:Escritores de Gales