Arie Kindler (en hebreo אריה קינדלר), nado en Berlín o 17 de febreiro de 1920 e finado en Ramat Gran, Israel, o 23 de xullo de 2014, foi un numismático e profesor universitario israelí.
Traxectoria
Infancia en Berlín Segundo o seu propio relato, o interese pola arqueoloxía de Arie Kindler remóntase a 1930, cando na súa infancia se inaugurou o Museo de Pérgamo, no seu Berlín natal, en 1930.Meir, C. (2014-b-).Meir, C. (2014-a-). Páxina 41.Meir, C. (2014-c-). "Arie Kindler, in memoriam". Liderman.co.il
Exilio familiar A familia Kindler abandonou Alemaña xa en 1933, logo de que o seu pai se decatara do perigo inminente que corrían, trala lectura de Mein Kampf, de Hitler.
Na Palestina administrada polo Reino Unido, Arie Kindler comezou a exercer traballos esporádicos, e a partir de 1938 serviu durante dez anos na organización paramilitar xudía Haganah.Vrankovic, O. (2015). Logo da súa incorporación ás Forzas de Defensa de Israel, Kindler seguiu a ser soldado e reservista ata 1975.
Carreira académica Os intereses intelectuais de Kindler centrábanse nos estudos clásicos, sinaladamente a historia xudía. A principios da década de 1940, examinaba a oferta de moedas e outros obxectos arqueolóxicos dos vendedores ambulantes árabes nos mercados de Xerusalén. Como estudoso, centrouse na numismática e converteuse nun dos principais expertos na moeda asmonea.
Logo de completar os seus estudos universitarios, acadou o doutoramento cunha tese acerca das moedas de Bosra, na Universidade J. W. Goethe, de Frankfurt, e baixo a dirección de Maria Radnoti-Alföldi.Esta tese foi publicada en 1983. Véxase (1983) en "Publicacións".
De 1974 a 1988 Kindler foi profesor no Instituto Arqueolóxico da Universidade de Tel Aviv, e de 1981 a 1992 na Universidade Bar Ilan, de Ramat Gan.Meir, C. (2014-a-). Páxina 42.
Desde 1962 ata a súa xubilación en 1997, Kindler foi o director e conservador do departamento de numismática do Museo Eretz Israel, de Tel Aviv, que conta cunha colección numismática á que o propio Kindler lle proporcionou arredor dun milleiro de exemplares. Baixo a súa dirección, a colección ampliouse nuns 80.000 obxectos, mediante doazóns, legados e adquisicións, e converteuse nunha das máis importantes de Israel.
O 10 de maio de 1945, Kindler e outras persoas fundaron a sección numismática do Círculo de Afeccionados ás Antigüidades de Tel Aviv, que en novembro de 1947 se converteu na Sociedade Numismática de Israel, con Kindler como presidente temporal.
Kindler foi tamén editor de 'Alon, a revista en hebreo da Sociedade Numismática de Israel, entre 1967 e 1973, e coeditor do Israel Numismatic Journal desde 1980.Kindler, A. (2007).
Arie Kindler faleceu o 23 de xullo de 2014 aos 94 anos.
Recoñecementos
Premios acadados
(1984): Premio da Sociedade de Historia Monetaria Internacional."GIG-Ehrenpreisträger". Gesellschaft für Internationale Geldgeschichte -GIG-.
Premio Arie Kindler
En 2003, a rama da Sociedade Numismática de Israel en Tel Aviv estableceu na súa honra o Premio Arie Kindler. Entre os galardoados están numismáticos como Barag, Barkay, Rafi Dvir, Haim Gitler, Spaer, Oren Tal e David Schaps.Kindler, A. (2007). Páxina 14.
Publicacións Ao longo da súa carreira académica, Kindler publicou máis de 200 artigos e colaboracións, e sete traballos monográficos sobre diversos temas de numismática, desde as emisións da Antigüidade ata as moedas bizantinas e do mundo islámico na Idade Media, pasando polas cuñaxes do Estado de Israel."Kindler, Arie ". Digital Library Numis."Kindler, Arie". WorldCat Identities.
(1961). The coins of Tiberias. Hamei Tiberia, Tiberias. (1967). The patterns of monetary development in Phoenicia and Palestine in antiquity. Proceedings. International Numismatic Convention. Jerusalem 27–31 December 1963 (editor). Schocken, Tel-Aviv. (1968).The function and pattern of the Jewish coins and the city coins of Palestine and Phoenicia (con E. W. Klimowsky). Schocken, Tel-Aviv. (1968). Deutsche Spottmedaillen auf Juden (con Bruno Kirschner). Ernst Battenberg, Múnic. (1974). Coins of the land of Israel. Collection of the Bank of Israel: a catalogue. Bank of Israel, Xerusalén. ISBN 0-7065-1417-3 (1983). The coinage of Bostra. Aris & Phillips, Warminster. ISBN 0-85668-136-9 (1987). A bibliography of the city coinage of Palestine from the 2nd century B.C. to the 3rd century A.D. (con A. Stein). British Archaeological Reports, Oxford. ISBN 0-86054-482-6
Notas
Véxase tamén
Bibliografía
Kindler, A. (2007). "The History of the Israel Numismatic Society". En Israel Numismatic Research. Vol. 2. Páxinas 5-15, Meir, C. (2014-a-). "Dr. Arie Kindler (1920-2014)". En The Shekel. The Journal of Israel and Jewish History and Numismatics. Vol. 47. Nº 6. Páxinas 41-43. ISSN 0037-3486 Meir, C. (2014-b-). "Dr. Arie Kindler (1920-2014)". En Coins Weekly. 24 de agosto. Vrankovic, O. (2015). "Die letzten Zeugen". En Jungle World. 21 de maio.
Categoría:Nados en 1920 Categoría:Finados en 2014 Categoría:Nados en Berlín Categoría:Numismáticos de Israel Categoría:Galardoados co premio da Sociedade de Historia Monetaria Internacional Categoría:Alumnos da Universidade de Frankfurt Categoría:Profesores da Universidade de Tel Aviv Categoría:Profesores da Universidade Bar-Ilan Categoría:Israelís de ascendencia alemá Categoría:Exiliados Categoría:Personalidades sen imaxes