Sintra é un concello e vila portuguesa sede do mesmo situado na provincia de Lisboa. Malia ser a capital, a vila de Sintra non é a freguesía máis poboada, pois o concello sintrense abrangue espazos intensamente urbanizados con espazos de carácter rural. O concello de Sintra conta cun total de 11 freguesías (20 antes da reforma administrativa do ano 2013). Sintra é un dos centros turísticos máis destacados de Portugal á vez que un espazo urbano suburbio da cidade de Lisboa, da cal dista 25 km.
Demografía A poboación era, no ano 2013 de 380.934 habitantes. Esta non se establece de xeito uniforme polo territorio sintrense, senón que dentro dos seus límites son diferenciados espazos puramente rurais (norte e oeste do concello) e espazos totalmente urbanizados (sur e leste). Catro das once freguesías (Casal de Cambra, Colares, UF Almargem do Bispo-Pêro Pinheiro-Montelavar e UF S. Joao das Lampas-Terrugem) suman en total menos do 15% da poboación pese a ocuparen o groso da extensión do municipio.
Patrimonio da Humanidade Na vila de Sintra, situada aos pés da serra do mesmo nome, atópase un importante recinto histórico que, xunto co palacio da Pena e o castelo dos Mouros, forman un Patrimonio da Humanidade da UNESCO.
Freguesías As freguesías de Sintra son as seguintes:
Agualva Algueirão - Mem Martins Almargem do Bispo Belas Cacém Casal de Cambra Colares Massamá Mira-Sintra Monte Abraão Montelavar Pêro Pinheiro Queluz Rio de Mouro Santa Maria e São Miguel (Sintra) São João das Lampas São Marcos São Martinho (Sintra) São Pedro de Penaferrim (Sintra) Terrugem
Galería de imaxes
Notas
Véxase tamén
Outros artigos Paisaxe cultural de Sintra Ligazóns externas Site oficial da Câmara Municipal de Sintra
Categoría:Cidades de Portugal Categoría:Concellos do distrito de Lisboa