miniatura|339x339px|Amerindio hupa. O período formativo ou preclásico de América, corresponde ao terceiro período da historia precolombiana de América, no que se pescaba con lanzas e non con redes de pescar e no que se divide a Prehistoria de América para efectos de estudo. Este período abrangue entre os anos 1500 a.C. e o 292. Grazas á agricultura, o home americano comezou a conformar pobos sedentarios e ao redor diso deuse a formación de sociedades máis complexas, inicialmente en Mesoamérica e nos Andes Centrais. Esta etapa é a terceira das cinco etapas nas que se divide a historia da América precolombiana propostas por Gordon Willey e Philip Phillips no seu libro de 1958 Method and Theory in American Archaeology.
Descrición O período formativo é o equivalente americano á prehistoria europea, aínda que no caso americano é un período máis dilatado. Inmediatamente nesta fase aparecen as primeiras formas de escrita e as grandes casas clásicas como a dos antigos maias ou os moche. Durante o período formativo de América consolídase a agricultura nas zonas de maior densidade de poboación, aparecen as primeiras sociedades xerarquizadas con formas de goberno máis complexas que a da aldea mononuclear. De feito, durante o formativo aparecen grandes estruturas estatais que se estenden sobre centos de quilómetros, como a civilización olmeca en Mesoamérica que chegou a dominar extensos territorios e a construír importantes centros urbanos arredor de santuarios dedicados ó Deus Xaguar.Gordon R. Willey and Philip Phillips (1957). Method and Theory in American Archaeology. University of Chicago Press. Outras culturas reseñables son as dos anasazi e os seus similares (Arizona), así como os construtores de montículos de Suramérica. Hai 3 etapas de formativo: temperán, medio e superior.
Notas
Véxase tamén
Outros artigos Paleoamericanos (antes do 8000 a.C.) Período arcaico de América (8000 - 1500 a.C.) Período clásico de América (292 - 900) Período posclásico de América (900 - 1527)
Categoría:Historia de América