miniatura|250px|Un Strela-2M. Strela é unha serie de constelacións de satélites de comunicacións militares na modalidade de almacenamento-retransmisión pertencente á Unión Soviética en primeiro lugar e a Rusia logo.
Características As constelacións Strela usaban a modalidade de almacenamento-retransmisión, na que os satélites almacenan datos a bordo sobre unha estación de transmisión para logo retransmitilos a outra noutro punto do globo. A versión comercial de Strela denomínase Gonets. Os primeiros satélites Strela foron lanzados en 1964.
Strela-1 Os Strela-1 foron prototipos da primeira constelación Strela. Alimentábanse mediante células solares (salvo os Strela 23 e 29, alimentados mediante fontes nucleares de tipo RTG) e tiñan unha masa de 70 kg. Lanzáronse 29, todos a bordo de foguetes Kosmos 1 e Kosmos 63S1 en conxuntos de entre 3 e 5, entre 1964 e 1965, con tres deles non chegando a órbita.
Strela-1M Os Strela-1M foron os sucesores de Strela-1. Eran postos en órbitas de 1500 km de altura en grupos de oito por cada lanzamento. Tiñan unha masa de 70 kg e períodos de vida estimados de 6 meses, polo que debían ser reemprezados con frecuencia. Lanzáronse 368 entre 1970 e 1992, todos mediante foguetes Kosmos-3M, e foron substituídos polos Strela-3. Os Strela-1M eran complementados cos Strela-2M en órbitas máis baixas para comunicacións secretas.
Strela-2 Os Strela-2 foron prototipos para a segunda xeración de satélites Strela. Eran satélites máis grandes, de 764 kg. Lanzáronse cinco, aínda que dous non chegaron a órbita, mediante foguetes Kosmos-1 e Kosmos-3.
Strela-2M Os Strela-2M foron os satélites de produción da segunda constelación Strela. Tiñan unha masa de cerca de 800 kg, alimentábanse mediante células solares e foron postos en órbitas de 800 km de altura. Lanzáronse 52 entre 1982 e 1994, todos mediante foguetes Kosmos-3M, con tres fallos. Foron substituídos polos Strela-3. O Strela-2M número 51 colisiouno o 11 de febreiro de 2009 cun satélite Iridium, resultando ambos destruídos.
Strela-3 Os Strela-3 foron os satélites de segunda xeración das constelacións Strela. Tiñan unha masa de 225 kg, alimentábanse mediante células solares e foron postos en órbitas de 1400 km de altura. Lanzáronse 143 entre 1985 e 2012, con quince fallos, usando lanzadores Tsiklon-3, Kosmos-3M e Rokot KM. Tiñan forma cilíndrica cunha altura de 1,5 m e un diámetro de 1,0 m. Usaban un mastro despregable para estabilizarse mediante gradente gravitatorio e podían almacer 12 Mb de datos a bordo, sendo capaces de transmitir a velocidades de 2,4 kbit/s. Foron sucedidos polos Strela-3M.
Strela-3M Os Strela-3M, tamén coñecidos como Rodnik-S, son unha mellora dos Strela-3, coa mesma masa pero maior capacidade. Lanzáronse 18 entre 2005 e 2018, con tres fallos, usando lanzadores Kosmos-3M e Rokot KM.
Historial de lanzamentos