A Illa do Castelo (Illa Herbosa) é unha illa galega da provincia da Coruña, situada fronte ao cabo Touriñán, Muxía. O seu nome ven dos restos de pedras no alto da illa e que poderían pertencer a unha construción tipo torre ou faro. Pódense ver os restos dunha muralla no lado leste e outra feita de perpiaño, que debería ser unha entrada no extremo sur. Segundo algúns escritos, indican aquí unha torre de Augusto que serviría de faro.
Xeografía
Só se pode acceder a illa a través dunha cama de seixos durante determinados días do ano. Só está aberta a visitas durante mareas vivas e só durante unhas horas, porque existe o risco de quedar illado nela coa subida do mar, a escasos metros do continente, pero sen a posibilidade de volver a pé.
Historia e lendas
A Illa do Castelo tamén está chea de historias e lendas. No puramente físico, aínda se observan restos xa moi deteriorados na parte superior, que poderían corresponder a unha construción, ao estilo dunha torre ou dun faro. Ademais, cara á parte oriental do illote aínda quedan vestixios dun muro perimetral, mentres que no seu extremo sur estas pezas son de pedra labrada.
Xa no plano da especulación histórica, algúns autores situaron aquí a Torre de Augusto, á que se referiu o historiador romano Pomponio Mela, dentro da súa descrición das terras habitadas polos nerios, como un punto no que o trazado do litoral cambia a súa orientación significativamente.
Castelo Categoría:Muxía