Segunda división B española 2020/21

A tempada 2020/21 da Segunda División B foi á 44ª edición desta competición, terceiro nivel do fútbol en España.

Comezou o 17 de outubro de 2020 e rematou o 23 de maio de 2021. Foi a última edición con este nome antes da reestruturación das categorías non profesionais por parte da RFEF, pasando a chamarse Segunda División RFEF a partir da tempada seguinte.

A tempada anterior rematou bruscamente debido á pandemia causada pola enfermidade COVID-19 do coronavirus respiratorio agudo grave. Despois dun mes coa competición suspendida por alerta sanitaria, a RFEF decidiu finalizar as competicións con algunhas consideracións extraordinarias, como celebrar unha promoción de ascenso en formato rápido, suprimir os descensos, ampliar a categoría a cen equipos dividido en cinco grupos e sobre todo a creación dunha nova categoría intermedia de terceiro nivel entre a Segunda División e a nova Segunda División RFEF para a tempada 2021/22.

Nesta tempada chegan como debutantes a UD Tamaraceite, o CD Covadonga, a SD Tarazona e o Atzeneta UE.

Sistema de competición O sistema de competición foi confirmado pola Federación Española de Fútbol o 14 de setembro de 2020.

A competición desenvólvese en tres fases, das cales a primeira corresponde á competición regular, a segunda abarcará tres fases específicas (Segunda Fase para Segunda División, Segunda Fase para Primeira División RFEF e Segunda Fase para permanencia en Segunda División RFEF) e a terceira corresponderá á promoción de ascenso a Segunda División.

Na Primeira Fase participan un total de 102 clubs, distribuídos en cinco grupos -tres de 20 clubs e dous grupos de 21 clubs-, cada un dividido, á súa vez, en dous subgrupos de dez ou once equipos chamados cada un A e B. Dispútanse un total de 18 xornadas nos grupos de 20 equipos e 20 nos grupos de 21 equipos. Os clubs participantes enfrontaranse nunha dobre rolda usando o sistema de puntos. O seu inicio está previsto para o 18 de outubro e o final para o 21 de marzo para os subgrupos con dez equipos e o 28 de marzo para os dous subgrupos con once equipos.

Os clubs clasificados nos tres primeiros postos dos dez grupos accederán á Segunda Fase para a Segunda División, os clasificados nos postos do cuarto ao sexto (ao 7º nos subgrupos de once equipos) accederán á Segunda Fase de Primeira División RFEF e os clasificados do sétimo ao décimo posto (do 8º ao 11º nos subgrupos de once equipos) accederán á Fase de Permanencia na Segunda División RFEF.

Os puntos obtidos, así como os goles, tanto a favor como en contra, arrastraranse á seguinte fase, comezando cada equipo a súa fase específica cos puntos e goles obtidos na Primeira Fase. Nos grupos de 21 equipos, que teñen un subgrupo de 10 e outro de 11, calcularase o coeficiente, sendo este mesmo o que se traslade ás fases específicas.

A continuación haberá tres segundas fases específicas. Na Segunda Fase para a Segunda División participarán os clubs clasificados nos tres primeiros postos de cada subgrupo, durante seis xornadas entre o 4 de abril e o 9 de maio. Os equipos que participaron no subgrupo A enfrontaranse, a dobre volta, aos que participaron no subgrupo B e non poderán, en ningún caso, enfrontarse aos equipos que participaron no mesmo subgrupo da Primeira Fase. Os tres primeiros clubs clasificados en cada grupo, ademais do cuarto con mellor coeficiente entre os cinco grupos, participarán no Play Off de Ascenso a Segunda División e os restantes clubs, non clasificados para a Fase Final de Ascenso, participarán na nova Primeira División RFEF na próxima tempada 2021/2022.

Por outra banda, na Segunda Fase para Primeira División RFEF, participarán os clubs clasificados nos postos do cuarto ao sexto de cada subgrupo de dez clubs, ao longo de seis xornadas, e os clasificados en postos do cuarto ao sétimo dos subgrupos de 11 clubs durante oito xornadas entre o 4 de abril e o 23 de maio. Os equipos que participaron no subgrupo A enfrontaranse, a dobre volta, aos que participaron no subgrupo B e en ningún caso poderán enfrontarse aos equipos que participaron no mesmo subgrupo da Fase Regular. Os dous primeiros clubs clasificados (7º e 8º) de cada un dos grupos ascenderán á Primeira División RFEF, mentres que os restantes clubs, que non obtiveron o ascenso, participarán na Segunda División RFEF na próxima tempada 2021/2022.

Por último, na Segunda Fase pola permanencia participarán os clubs clasificados do sétimo ao último posto de cada subgrupo de 10 equipos e os clasificados do oitavo ao último posto dos subgrupos de 11 equipos. Os equipos que participaron no subgrupo A enfrontaranse, a dobre volta, aos que participaron no subgrupo B e en ningún caso poderán enfrontarse aos equipos que participaron no mesmo subgrupo da Fase Regular. Configúrase, polo tanto, un total de 8 xornadas entre o 4 de abril e o 23 de maio.

Os clasificados en postos do cuarto ao oitavo de cada grupo, ademais do clasificado no terceiro posto co peor coeficiente de todos os grupos, descenderán á Terceira División RFEF.

A terceira fase será o Play Off de Ascenso a Segunda División, que se desenvolverá a través do sistema de eliminatorias, a partido único. Participarán 16 clubs, é dicir, os tres primeiros clasificados, ademais do cuarto co mellor coeficiente dos cinco grupos, que xogaron a Fase de Ascenso para Segunda División.

Terá lugar do 16 ao 23 de maio nun formato de concentración nunha única sede designada pola RFEF e consistirá en dúas eliminatorias nas que os partidos se determinarán por sorteo, enfrontándose os que tiveran mellor clasificación fronte aos que a tiveran peor, evitando, na medida do posible, que se enfronten dous equipos que pertenceran ao mesmo grupo. En caso de empate na prórroga, o equipo gañador será o que teña a mellor clasificación na segunda fase. Só pode haber lanzamentos de penaltis entre equipos que tiveran a mesma posición na clasificación. Os catro clubs gañadores da segunda rolda ascenderán a Segunda División e o resto quedarán asignados á nova Primeira División RFEF na tempada 2021/2022.

Disposicións extraordinarias pola COVID-19 Existen disposicións extraordinarias por mor da pandemia da COVID-19 que poden ser modificadas durante o curso da tempada por causa de forza maior. Se fose así, a Comisión Delegada da Asemblea da RFEF é a encargada de determinar a paralización e/ou o retorno á competición en resposta ás causas de forza maior que xurdisen e á súa prolongación no tempo, agás neses aspectos que a competencia fose do xuíz de competición. As causas de forza maior acreditaranse "cando nun determinado territorio exista unha normativa ou unha orde gobernamental e, se é o caso, debidamente avalada pola xustiza competente, que impida o desenvolvemento das actividades deportivas de competición federada, xa sexa adestramentos de calquera nivel ou disputa de partidos en devandito territorio ou ben que se teña decretado un Estado de Alarma que inclúa estas limitacións".

No caso de suspensión ou paralización das competicións por causa de forza maior, establécense regras para determinar os ascensos, descenos e gañadores das competicións. Ao tratarse de competicións con varias fases (subgrupos, grupos e fases de clasificación), se por algunha circunstancia de forza maior non se puidera completar toda a competición, é dicir, a disputa de todos os partidos programados desde o comezo, antes do 30 de xuño, a resolución específica da situación someterase á Comisión Delegada da RFEF, sempre tendo en conta que para que haxa ascensos e descensos, deben ter sido xogados polo menos o 50% dos partidos e en caso de igualdade de situacións, resolverase polo coeficiente computado en todos os partidos disputados incluíndo todas as fases disputadas ata o momento en que non se puido seguir xogando.

Do mesmo xeito, prevese como actuar se un equipo ou varios, por causa de forza maior, non poden xogar un ou máis partidos na competición regular durante a tempada e os mesmos non puidesen ser disputados antes de finalizar a mesma; se non se puidesen realizar os adestramentos e xogar os partidos no seu terreo de xogo no caso da Segunda División B; se os equipos non puidesen desprazarse puntual ou continuadamente a outros territorios no caso da Terceira División; ou se existise algún caso positivo por COVID-19 de calquera das persoas que teñen licenza deportiva co equipo.

Equipos Un total de 102 equipos disputan a liga. O total dos equipos inclúe 76 equipos da Segunda división B española 2019/20, catro descendidos da Segunda división española 2019/20 e vinte e dous ascendidos da Terceira división española 2019/20.

Remudas

Descendidos de 2ª División PosEquipoPosEquipo19.º Deportivo da Coruña 12px |bgcolor=#FFCCCC align="center"|21.º|bgcolor=#FFCCCC| Extremadura UD 12px

Ascendidos a 2ª DivisiónPosEquipoPosEquipo1.º (II) UD Logroñés 1.º (III) CD Castellón 1.º (IV) FC Cartagena 3.º (III) C.E. Sabadell FC

Ascendidos de 3ª División (Promoción)PosEquipoPosEquipo1.º (I) SD Compostela 2.º (IX) CD El Ejido 2012 1.º (II) CD Lealtad 1.º (X) Betis Deportivo 3.º (II) CD Covadonga 1.º (XI) UD Poblense 1.º (III) CD Laredo 1.º (XII) CD Marino 1.º (IV) Club Portugalete 4.º (XII) UD Tamaraceite 1.º (V) C.E. L'Hospitalet 1.º (XIII) CF Lorca Deportiva 1.º (VI) CD Alcoyano 1.º (XIV) CF Villanovense 3.º (VI) Atzeneta U.E. 1.º (XV) UD Mutilvera 1.º (VII) CDA. Navalcarnero 1.º (XVI) SD Logroñés 1.º (VIII) Zamora CF 1.º (XVII) SD Tarazona 1.º (IX) Linares Deportivo 1.º (XVIII) UD Socuéllamos CF

Composición dos grupos Unha vez coñecidos os 102 equipos participantes, comezaron a desvelarse as primeiras propostas de grupos. O luns 31 de agosto, a Comisión Xestora da RFEF ratificou a composición de grupos que fora proposta horas antes pola Comisión de Presidentes das federacións autónomas de fútbol. Grupo IGrupo IIGrupo IIIGrupo IVGrupo VSubgrupo ASubgrupo ASubgrupo ASubgrupo ASubgrupo A Coruxo FC Arenas Club AE Prat Algeciras CF CDA. Navalcarnero Pontevedra CF Bilbao Athletic C.E. L'Hospitalet Atlético Sanluqueño CF CF Rayo Majadahonda Racing de Ferrol Barakaldo CF CF Badalona Cádiz CF B Atlético de Madrid B Celta de Vigo B C. Portugalete FC Andorra Marbella FC Getafe CF B Deportivo da Coruña D. Alavés B FC Barcelona B R.B. Linense Las Rozas CF SD Compostela Real Sociedad B C. Gimnàstic de Tarragona R.C. Recreativo Real Madrid Castilla CF CD Guijuelo Real Unión Club C. Lleida Esportiu San Fernando CD C. Internacional de Madrid Zamora CF SD Amorebieta Espanyol B UD Tamaraceite UD San Sebastián de los Reyes Salamanca CF SD Leioa U.E. Cornellà CD Marino CD Atlético Baleares Unionistas de Salamanca CF CD Laredo U.E. Llagostera UD Las Palmas Atlético UD Poblense Racing de Santander U.E. OlotSubgrupo BSubgrupo BSubgrupo BSubgrupo BSubgrupo B CD Covadonga CD Calahorra CD Alcoyano Betis Deportivo Balompié A.D. Mérida C. Marino de Luanco SD Logroñés Atlético Levante UD Recreativo Granada CD Badajoz CD Lealtad C. Haro Deportivo Atzeneta U.E. Córdoba CF CD Don Benito Real Oviedo Vetusta CD Izarra CF La Nucía CD El Ejido 2012 CF Villanovense Real Sporting B CD Tudelano Hércules CF Linares Dep. Extremadura UD U.P. Langreo C.A. Osasuna B Orihuela CF Sevilla Atlético C. UD Melilla Burgos CF UD Mutilvera Valencia CF Mestalla CF Lorca Deportiva CF Talavera de la Reina Cultural Leonesa CD Ebro Villarreal CF B Real Murcia CF C.P. Villarrobledo Real Valladolid Promesas SD Tarazona SCR Peña Deportiva UCAM Murcia CF UD Socuéllamos CD Numancia SD Ejea UD Ibiza Yeclano Deportivo Villarrubia CF

Primeira fase

Grupo I

Clasificación Grupo I Subgrupo A

Segunda división B española 2020/21

Źródło i licencja