Alén do Cosmos é un documental dirixido por Pedro Pablo Alonso no ano 2016 que repasa a traxectoria do futbolista vigués Santiago Formoso, que xogou en varios equipos dos Estados Unidos, entre eles o mítico Cosmos de Nova York de finais dos anos 70, onde compartiu equipo con xogadores como Pelé, Franz Beckenbauer ou Carlos Alberto.
Produción Os xornalistas Pedro Pablo Alonso e Rubén Pardiñas ó coñecer a historia de Santiago Formoso no New York Cosmos, decidiron realizar un documental titulado narrando as experiencias do futbolista galego na liga de fútbol norteamericana e a súa estadía no New York Cosmos. O documental comezou a rodarse no ano 2013, contando coa colaboración do actor Luís Tosar, o futbolista Iago Aspas, o xornalista da televisión de Galicia Luis Timiraos ou o adestrador Paco Herrera. O grupo Ruxe Ruxe compuxo o tema "Alén do Cosmos" para o documental.
Estrea A estrea do documental tivo lugar o 1 de decembro de 2016 no auditorio do Concello de Vigo, asistindo entre outros Eduardo Berizzo, Iago Aspas ou Sergio Álvarez.
Notas
Véxase tamén Ligazóns externas Documental completo na web da CRTVG
Categoría:Documentais galegos Categoría:Fútbol en Galicia Categoría:Filmes de 2016 Categoría:Filmes en lingua galega