Petrona de la Cruz, nada en Zinacantán (Estado de Chiapas) o 23 de setembro de 1965, é unha escritora mexicana en lingua tzotzil e lingua castelá.
Traxectoria Fixo os estudos primarios e secundarios na súa vila natal, e comezou o Bacharelato en San Cristóbal de las Casas. Entre 1989 e 1992 estudou teatro en San Jtz’ibajom con Francisco Álvarez e Ralph Lee, e fixo cursos de produción radiofónica. De 1992 a 1994 promoveu a lectura en lingua tzotzil en bibliotecas de escolas rurais. En 1994 xunto con Isabel Juárez Espinosa formou o centro para mulleres indíxenas FOMMA (Fortaleza de la Mujer Maya), en San Cristóbal de las Casas. En 2002 foi bolseira do Consello Nacional para a Cultura e as Artes en 2002.
Algunhas das súas obras dramáticas foron representadas en Australia, Canadá, Estados Unidos, México e diversos países de Latinoamérica.
Obra Yo soy toztzil (1995) Una mujer desesperada Madre olvidada Dulces y amargos sueños Infierno y esperanza Desprecio paternal La monja bruja Soledad y esperanza
Recoñecementos Premio Rosario Castellanos en Literatura do goberno do Estado de Chiapas (1992) Medalla Rosario Castellanos do Congreso del Estado de Chiapas (2019)
Notas
Categoría:Nados no estado de Chiapas Categoría:Nados en 1965 Categoría:Escritores de México Categoría:Escritores en lingua castelá Categoría:Escritores en lingua tzotzil Categoría:Personalidades sen imaxes Categoría:Feministas de México