Agapito Serra Fernández, nado en Redondo (Barcia de Mera, Covelo) na segunda metade do século XIX e finado en Portugal en xullo de 1939,El Pueblo Gallego, 29-7-1939, p. 5. foi un empresario e filántropo galego.
Traxectoria Moi novo emigrou a Portugal. Instalouse en Lisboa e montou un restaurante chamado A Estrela de Ouro. Tamén creou unha fábrica de alimentos co mesmo nome e logrou un importante éxito empresarial.
En 1907 encargoulle ao arquitecto Norte Júnior edificar unha barriada de casas, que levaría o nome das súas empresas. Estas casas eran alugadas por un módico prezo aos seus traballadores e hoxe constitúen un dos barrios lisboetas máis característicos. Formado por uns 120 edificios, de dous e tres andares, tiñan acceso directo ao exterior e seguían modelos arquitectónicos de carácter ecléctico. Os edificios destacaban polos paneis de azulexos e os balcóns de ferro forxado.
Foi un destacado membro da colectividade galega asentada en Portugal, directivo de varias sociedades de socorros mutuos, como a Asociación Galaica e a Fraternidad Española, e un dos promotores da fusión de ambas, que deu lugar, en 1931, á creación do Centro Galego de Lisboa.
Mandou construír na súa aldea natal unha escola "con capacidad para setenta alumnos y casa habitación correspondiente para el maestro con todas las comodidades". Ao seu carón, financiou tamén a construción dunha capela dedicada ao seu santo patrón, San Xosé. miniatura|Agapito Serra (de pé, terceiro pola esquerda), xunto á súa familia en 1909. En agosto de 1931, como recoñecemento ao seu labor, os veciños erixiron un busto no recinto onde estaban a capela e a escola que el financiou.
Notas
Véxase tamén Bibliografía Ficha
Categoría:Empresarios de Galicia Categoría:Galegos de Portugal Categoría:Filántropos de Galicia Categoría:Nados en Covelo Categoría:Finados en 1939