miniatura|Estrutura cristalina da encapsulina de Thermotoga maritima
Os nanocompartimentos de encapsulina ou gaiolas da proteína encapsulina son orgánulos bacterianos esféricos duns 30 nm de diámetro que interveñen en varios aspectos do metabolismo, en particular o secuestro de ferro, que serven para protexer as bacterias do estrés oxidativo. En canto á súa estrutura e función son bastante similares ás ferritinas. Están compostos de varias proteínas encapsulina diferentes, incluíndo a proteína da cuberta EncA e as proteínas internas EncB, EncC e EncD. As súas estruturas foron estudadas en gran detalle utilizando cristalografía de raios X e microscopía crioelectrónica.
As encapsulinas purificadas de Rhodococcus jostii poden ensamblarse e desensamblarse cos cambios de pH. No estado ensamblado, o compartimento potencia a actividade do seu cargamento, un encima peroxidase.
Uso como plataforma para a bioenxeñaría Recentemente, os nanocompartimentos de encapsulina empezaron a suscitar un considerable interese dos bioenxeñeiros debido ao seu potencial para a entrega dirixida a diana de fármacos, proteínas e ARNm a células específicas de interese.
Notas
Categoría:Metabolismo Categoría:Bioloxía Categoría:Biotecnoloxía